Jose Belo Eleitu Ba Prezidente CNE

DILI, STLNEWS.co – Jose Agostinho da Costa Belo eleitu sai Prezidente Komisaun Nasional Eleisaun (CNE) hodi troka Alcino de Araujo Báris.

Iha aprezentasaun kandidatu ba membru efetivu nee, husi Bankada Fretilin propoin Alcino de Araujo Báris (atual prezidente CNE), no Bankada CNRT propoin Odete Maria Belo (atual komisaria CNE) nunee mos Bankada PLP propoin Jose Agostinho da Costa Belo (atual komisariu CNE).

Maibe Bankada CNRT nia kandidatu la kompete iha eleisaun ba prezidente CNE foun, kandidatu husi Bankada Fretilin, Alcino de Araujo Báris ho Bankada Partidu Libertasaun Popular (PLP) José Agostinho da Costa Belo maka, kompete iha eleisaun nee.

Rezultadu votasaun liu husi eskrutiniu sekretu nee kandidatu Alcino de Araujo Báris ho nia votu 29, i kandidatu José Agostinho da Costa Belo, ho nia votu 35.

“Tanba nee husi meza anunsia rezultadu votasaun ba Prezidente CNE iha periodiu 17 fulan Agostu 2021 ba oin ho mandatu tinan lima, dejeza no bom traballu no susesu ba Prezidente CNE foun ho komisariu foun neebe ohin ita hili ona,” dehan Prezidente Parlamentu Nasional, Deputadu Aniceto Longuinhos Guterres Lopes, liu husi plenaria iha PN, Kuarta (14/07/2021).

Aleinde nee, kona-ba membru suplemente sira husi Bankada KHUNTO propoin Querubin Jong Ferreira, i Bankada Partidu Demokratiku (PD) propoin José Pedro Camões (advogadu), no Bankada Frente-Mudança (FM) propoin Fátima Sarmento Ximenes, nuudar membru Konsellu Pegagojiku no Sientifiku iha DLP, nunee mos Bankada Uniaun Demkoratika Timorense (UDT) propoin Octavio Manuel da Costa Amaral (advogadu).

Maibe Liu husi votasaun eskrutiniu sekretu, Jose Pedro Mariano Neves de Camões ho nia votu 39 tanba nee sai suplente dahuluk, tuir Fernanda de Fátima Sarmento Ximenes, ho nia votu 35 maka sai nuudar suplente daruak, Querubin Jong Ferreira, ho votu 33 nunee sai suplentu datoluk.

Aleinde nee, lista ba membru neebe dezigna ona husi orgaun kompetente ba CNE nian maka hanesan, Prezidente Republika nomea ona Olavio da Costa Monteiro de Almeida nuudar membru efeitivu ba CNE no Detaviana Madalena Guterres Freitas, nuudar membru suplente. Nee previstu iha dekretu Prezidente Republika numeru 41/2021, 1 Jullu.

Nunee Carlito Martins nomea husi Governu nuudar membru efetivu no Elvino Bonaparte do Rêgo, nuudar membru suplente (karta ofisial haruka iha loron 9 jullu 2021).

Entretantu Majistradu Judisial Antonino Gonçalves eleitu nuudar membru efetivu no João Ribeiro nuudar suplemente, nee dezigna hosi Tribunal Rekursu, neebe haruka iha loron 30 Junu 2021.

Majistradu husi Ministeriu Publiku, Domingos Barreto eleitu nuudar membru efetivu no Napolião Soares da Silva, nuudar membru suplente (karta ofisial haruka iha loron 5 Jullu 2021).

Bazea ba lei orgaun administrasaun eleitoral katak, Prezidente Parlamentu Nasional mak sei fo pose hafoin dezignasaun.*

Reportajen: Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: