Josefa: Feto Partisipa Frente 3, Agora Foinsae Implementa Dezenvolvimentu Nasional

DILI, STLNEWS.co – Deputada Josefa Alvares Pereira Soares hatete, luta ba ukun rasik aan feto mos envolve iha frente tolu, no husi istoria neebe mak iha feto foinsae sira tenke kaer metin hodi luta iha dezenvolvimentu nasional.

Deputada Josefa Alvares Pereira hatoo kestaun nee ba jornalista bainhira remata entrega sertifikadu ba kontribuisaun ba hakerek livru Buibere Hamriik Ukun Rasik Aan iha Salaun Chega, Sabado (10/07/2021).

“Hau hanoin papel neebe mak feto sira halo iha tempu uluk nia ba rezistensia nia liu ona maibe ida nee agora kabe ba jerasaun sira neebe mak foin sae atu kaer ba terus susar vontade tomak husi luta nain sira nia, maske buat barak mak laiha maibe sira fo sira nia luta nee sira nia isin lolon tomak fo ba rai ida nee. Agora ba joven sira oinsa mak sira bele prepara liu tan sira nia aan hodi luta foun ida no luta ida nee ba Timor leste nia dezenvolvimentu, ida nee mak hau hein katak sira hotu bele iha konsensia hanoin ona oinsa mak atu dezenvolve rai ida nee ho sira nia kapasidade tomak talentu tomak,” dehan nia.

Tuir deputada nia hanoin no hatene katak joven Timor oan sira nee barak mak iha kapasidade no barak mak iha matenek no hanoin kapaas tebes. Maibe presiza mos organiza aan hodi haree ba lei sira no tenke hakruk mos ba lei sira ida nee mak importante tebes.

Nunee mos Sekretaria Jeral Interina, Florentina Martins Smith hatutan maske luta feto mos partisipa maibe iha dezenvolvimentu nasional feto sei naton.

“Husi pontu de vista OPMT nian, hau hanesan Sekretariu Jeral Interina OPMT hau bele haree no observa katak partisipasaun feto nian iha vida polítika iha dezenvolvimentu nee naton, embora ami sei iha nafatin responsabilidade atu hatutan atu habelar istoria feto nian mak hahu ho livru ida nee, maibe ita haree katak feto barak iha polítika, feto potensial lubuk ida ke komisaun ida nee tenke buka hamutuk atu halibur oinsa ami nia kontribuisaun, ami nia apoiu tomak ba Timor-Leste nia independensia,” katak nia.

Iha lansamentu livru Buibere Hamriik Ukun Rasik Aan, Prezidente Republika Francisco Guterres Lú Olo husu ba jerasaun loron nian, no apela ba família no sosiedade tomak no ba entidade hothotu, atu hadomi no respeita liután feto sira, tanba sira mak ai-rin metin ba família no ba sosiedade.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: