DILI, STLNEWs.co – Tuir Deputada Bankada FRETILIN, Josefa Pereira sente preokupa ho kompania sira neebe mak asina akordu ho Autoridade Munisipal Dili nee iha kriteria, maibe haree ba traballador sira neebe mak raut lixu laiha luvas no botas.
Nia dehan, atu koalia konaba lixu, kompania sira molok atu raut lixu iha Dili laran nee sira iha akordu ida asina ho autoridade munisipal, katak iha kriteria sira neebe mak sira tenke tau atensaun.
“Hau refere liu – liu ba sira nia hatais atu oinsa bele foti lixu nee, sira tenke iha luvas ho botas, maibe botas ho luvas nee ita la haree, nee kasian liu ba sira nia saude,” dehan nia liu husi plenaria iha PN, Segunda nee (10/01/2022).
Nia hatutan, kompania sira nee simu tiha osan la hatene tanba saida mak sira la hola luvas ho botas nee ba traballador sira neebe mak raut foer.
Tuir observasaun STL nota iha terenu katak, kompania sira neebe raut foer nee laiha botas no lubas. Maske lixu nee fo risku ba sira nia saude, maibe sira kontinua iha konsiensia raut lixu nafatin.
(nat)
