Joven Ba Servisu Rai Liur, Tanba Nesesidade

DILI, STLNEWS.co – Oras nee daudaun joven barak trata dokumentus ba servisu iha rai liur, tanba nesesidade atu hadia moris familia nian.

“Ba servisu iha rai liur atu hadia ita nian moris familia uma laran, oinsa mak ita bele trata ita nian dokumentus, laos ita ba hetan tiha servisu, lori osan nee goja fali iha ema nian rai, ita mos hanoin katak, hau ba tanba atu hadia familia nia moris, laos diak liu, maibe pelumenus simples (sederhana),” dehan Lucas Mesquita hanesan juventude husi RAEOA ba STL hafoin partisipa iha selebra misa eukaristia no iha igreja Katedral Vila Verde, Dili, Sabadu nee (30/07/2022).

Nunee mos, Rosalino Correia hanesan juventude dehan, karik iha Timor kampu servisu barak, joven sei la sai ba rai liur, maibe ho menus kampu servisu, joven barak ba servisu iha estranjeirus ho nasaun neebe diferente, agora balun liu husi governu, balun pesoal ba servisu iha Inglatera no nasaun seluk neebe Timor oan iha ba.

“Ita atu koalia saida, tanba ema barak ba liur, ita nia kampu servisu menus iha ita nia rai, neineik ema sei sai hotu ba rai liur hodi buka sira nia moris,” dehan nia.

(Ekipa STL)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...