Joven Halo Revolta Hasoru Governu Liu Husi Parodia

DILI, STLNEWS.co – Ohin loron juventude barak hakarak ba kuarentena, bainhira iha ambulansia laran no iha kuarentena sira kanta no dansa nee sira hodi halo revolta hasoru governu, maibe kontra ho komiku ou parodia. Kestaun nee hatoo husi docente filosofia, analista politika ISFIT, Martinho G. da Silva Gusmão ba STL iha Salaun Katedral, Villa Verde, Domingu (09/05/2021).

“Agora ida neebe mak bolu hau nia atensaun, joven barak mak hetan Covid satan sae ambulansia kontente hamnasa, iha izolamentu festa dansa hatudu dehan katak ita nia joven sira revolta, mas revolta ho hahalok neebe komiku,” hatete nia.

Docente filosofia, analista politika nee hatutan Polisia Nasional Timor Leste (PNTL) wainhira hamriik iha dalan haree sira mos sai hanesan vitima ba Covid, tanba regra mak hanesan nee.

“Covid ida nee tohik ita nia fuan, Covid ida nee kamat ita nia klamar wainhira estadu la mampu atu hamate virus foun ida nee, infelizmente hau koalia ho laran moras tomak, infelizmente igreja Katolika mos rende.” dehan nia.

Nia hatutan, komprende tanba saida mak too igreja Katolika mos rende, lolos nee halo tuir Santo Padre nia hanoin katak brani hamriik. Padre barak sente susar tanba Padre barak nee lor-loron sarani sira ba hasoru, i sira mos sente sofre hamutuk ho sarani sira, pelumenus o nia isin lao ladiak mas o nia klamar lao.

Tuir observasaun neebe mak STL hetan liu husi sosial media, juventude neebe mak pozitivu ba Covid-19 tun husi kareta haklalak, hakilar, sira mos toka kanta, no balun dahur iha fatin izolamentu ho kuarentena.*

Reportajen: Ekipa STL
Editora: Ekipa STL

1 COMMENT

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...