Joven Loriku Asuwain Barani Luta

DILI, STLNEWS.co – Ohin Komemora loron 12 Novembru 1991 ba dala XXX (30), iha momentu neeba joven loriku asuwain barani luta fo nia an, la lori armadas, maibe ho tersu, espanduk haklalak, la tauk mate, tanba hakarak hetan independensia.

Misa agradesimentu ba selebrasaun loron 12 Novembru nee prezide husi Padre Nelson da Costa, akompana husi Pe. Nelinho A. F. Soares.

Liu husi omilia Padre Nelson hatete, ba maluk juventude loriku asuwain, neebe moris hela, nomos familia lakon sira nia oan tinan 30 liu ba. Ohin loron 12 Novembru 1991 komemora ba tinan 30 nee, joven mos kontribui makaas luta ba frente tolu nee, Frente Armada, Frente Diplomatikus, no Frente Klandestina.

“Joven loriku asuwain barani duni, la lori armadas maibe sira la tauk mate, la tauk kroat, joven barak mate tanba fakar raan, tanba raan mak loke dalan ita bele atinje ita nia metas, atu atinje ita nia objetivu atu Maromak no kreda Timor, atu ema hotu sente livre iha ailaran, Frente Armada funu la halai, politiku rai laran no liur halo diplomasia makaas, ita neebe hela iha sidade hamutuk ho igreja realiza misa husi dioseze mak lidera,” liafuan murak nee hato’o husi Padre Nelson da Costa, liu husi omilia bainhira prezide misa agradesimentu ba loron 12 Novembru iha Igreja Motael, Sesta nee (12/11/2021).

Foto: STL/Joaninha Belo

Padre Nelson informa, selebra tinan 30 Masakre Santa Cruz, moris iha terus nia laran, moris iha susar nia laran, martires sira nia naran harii nasaun ida nee.

Nia sublina, maske joven nia ativu badak oras ida ka rua fo lisaun boot ba mundu, nomos loke mundu internasional nia matan tilun hodi rona katak, iha Timor nee,  ema viola direitus humanus, ema hanehan povu neebe maka hetan liberdade ba ita nia direitus humanus.

Padre Nelson informa, tinan 30 ona akontese 12 Novembru 1991, nia rezultadu mak ita hetan indepedensia, ONU ho nasaun seluk iha europia neeba inklui mos ASEAN, Amerika diskusaun haree katak, Timor ema viola direitus humanus liu husi juventude loriku asuwain .

Partisipa iha misa agradesimentu nee, Prezidente Parlamentu Nasional (PPN) Aniceto Guterres, Vise II Primeira Ministra Armanda Berta dos Santos, Ministru Prezidensia Konsellu Ministru (MPKM) Fidelis Leite Magalhaes, Xefe Estadu Maior FALINTIL Forsa Defeza Timor Leste (F-FDTL), Tenente Jeneral Lere Anan Timur, Ministru Administrasaun Estatal (MAE), Miguel Pereira Carvalho, Prezidente Tribunal Rekursu Deolindo dos Santos, no Prezidente Comite 12 Novembru Gregorio Saldanha.

Aleinde nee mos partisipa husi familia Masakre Santa Cruz, estudantes sekundaria, universitariu, inklui mos grupu oin – oin.

Depois de misa kontinua kedas Marsa Komemorasaun 12 Novembru husi Igreja Motael mai iha Santa Cruz, marsa nee tuir orariu neebe komisaun organizadora fo, bandeira RDTL, foto Martires Masakre Santa Cruz, tuir kedas aifuan Martires, familia martires, membru PN, korru, estudantes, sarani sira sobrevivente, lider nasional, PTR, Vise Primeira Ministra, Prezidente Comite 12 Novembru. Maske Loron manas kosar sulin, maibe ho silensiu reza, kanta, lao to’o mai Santa Cruz.

(joa)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...