Joven Timor Oan Oho Malu Iha Inglatera, Taka Dalan Ba TL

DILI, STLNEWS.co – Diretor Ezekutivu Asosiasaun HAK, Sisto dos Santos, kritika Timor oan neebe daudaun oho malu iha Inglatera viral los iha media sosial, ida nee posibilidade bele taka dalan ba joven Timor oan sira seluk neebe hakarak ba buka servisu.

“Ita senti tristi no laran taridu los, tanba ita nia joven sira neebe mak ita hotu laran metin ba sira, nudar autor ida neebe mak sai aliserse ba ita nia ekonomia nasaun no ba vida familia nian, infelizmente ita rona novidades katak joven sira oho malu, liu husi mensajen ida nee, HAK hakarak apelu ba joven sira iha neeba, katak ita sei la hetan buat ida ho ita nia asaun ida neebe mak ita halakon ita nia belun balun nia vida,” dehan nia ba STL iha Edifisiu CNE, Kolmera, Dili, Kuarta nee (27/07/2022).

Nia dehan, ho problema hirak nee sei lori situasaun ida nee ba risku, potensialmente Governu TL no mos Governu Portugal nee kolen ona, ida nee bele taka ona dalan.

Iha fatin ketak, Diretor Ezekutivu FONGTIL, Valentin da Costa Pinto, hatoo sentimentu tristi no lamentasaun ba aktus krimi neebe Timor oan sira halo iha Inglatera.

“Ita tristi, tanba sira nia Viajen husi Timor ba Inglatera ho intensaun boot atu buka servisu hodi hadia sira nia vida no familia sira nian,” tenik nia.

(san)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...