Judite: Governu Presiza Kumpri Promesa Kria Kampu Trabalhu

DILI, STLNEWS.co – Governu presiza kumpri promesa neebe mak hatoo iha tempu kampanha, hodi bele rezolve problema neebe povu hasoru.

Kestaun nee hatoo husi Ativista Feto hanesan mos eis Prezidente Rede Feto, Judite Dias Ximenes ba STL liu husi telefone, Sabadu nee (23/07/2022).

“Iha tempu kampanha koalia buat hotu diak, katak loke kampu servisu ba joven sira, hadia estrada, dada bee moos ba povu, maibe kaer ukun la realiza mak povu sei lakon fiar, tanba oras nee povu barak sei halerik ba estrada bee moos no seluk tan,” katak nia.

Nia hatutan, governu laos la realiza hotu, balun hahu diak ona, maibe povu balun mos sei tuur iha nakukun laran no estudante barak finaliza nia estudu, maibe labele hetan fatin servisu no dalan ikus mak sira halai sai hotu ba rai liur.

Visi Diretora HAK, Filomena dos Reis Barros hatete, kampanha neebe mak sira halo nee previstu ona, oinsa mak bele kria netik kampu servisu balun.

“Hau husu ba governu previstu ona liafuan neebe mak hatoo iha kampanha, oinsa kria netik kampu trabalhu no oinsa atu akomoda ita nia Timor oan sira nee, tanba ita nia joven produtivu mak ba hotu ona rai liur,” dehan nia.

Nia hatutan, oinsa mak iha politika atu tahan joven sira labele ba rai liur, mak governu tenki kria duni kampu trabalhu liu husi liafuan neebe mak sira promete nee, kampu trabalhu labele hanoin deit katak ema sai funsionariu publiku, maibe haree tuir ema nia kondisaun hodi kria servisu.

(eme)

LEAVE A REPLY

Please enter your comment!
Please enter your name here

NEWS UPDATE

Peringati HUT FALINTIL Ke-47, 3 Jenderal Dari 3 Negara Terima Penghargaan Dari Pemerintah TL

DILI, STLNEWS.co – Dalam rangka memperingati Hari Ulang Tahun (HUT)  FALINTIL ke-47 (20 Agustus 1975-20 Agustus 2022), pemerintah Timor Leste (TL) akan memberikan penghargaan “Medalha...

Presiden Ramos Horta Hadiri Peringatan HUT India Ke-75

DILI, STLNEWS.co – Presiden Republik Demokratik Timor Leste (RDTL), Jose Ramos Horta, didampingi Menteri Luar Negeri dan Kerja Sama Timor Leste, Adaljiza Albertina Xavier Reis...

Zeca Kria Rasik Kampu Trabalhu Ba Nia Aan

BOBONARU, STLNEWS.co - Joven ho naran Zeca Pereira inisiativa kria rasik kampu trabalhu ba nia aan liu husi loke kafetaria ho naran "Kaduak Kafe"...