Juiz Ofisial Justisa TDD Halo Ona Swab

DILI, STLNEWS.co – Iha loron Sesta liu ba nee, Juiz Ofisial Justisa no funsionariu iha Tribunal Distrital Dili, halo ona swab.

Tuir Juiz Administrador Tribunal Distrital Dili, Afonso Carmona dehan, iha loron Sesta liu ba halao ona swab, no sira promete katak, iha loron segunda nee fo sai rezultadu. Maibe rezultadu sei hatoo liu husi superior, no rezultadu nee ba iha tribunal rekursu.

“Too ohin hau marka prezensa iha nee, hau mos hein hela se hau mak pozitivu, hau hein hela ema atu mai tula hau, tanba nee regra,” dehan Carmona ba STL iha TDD, Segunda (03/05/2021).

Nia hatutan, tuir informasaun neebe nia parte hetan husi Prezidente Tribunal Rekursu katak, sira neebe pozitivu naran sei mosu iha TR, tanba nee seidauk konfirma iha ka lae, maibe PTR dehan katak sei fo hatene.

Nia parte kontinua halo konfirmasaun ba ida nee, atu oinsa trata asuntu sira nee ho diak, lao tuir regra, se balu pozitivu prosesu tenke liu husi instituisaun. Tanba nee instituisaun nia hare oinsa, sira atu ba tama iha fatin izolamentu neebe estadu preparadu ka ba iha fatin neebe instituisaun detekta atu halo tratamentu.

Tanba nee laos dehan funsionariu atu hetan tratamentu espesial la iha, maibe kada instituisaun iha ema lidera, tanba nee sei hatoo. Teste swab nee tuir regra katak obrigatoriu, entaun signifika katak teste nee ba funsionariu ofisial no juiz sira hotu, tanba nee iha Sesta nee balu la halo swab, tenta atu sira mai iha Sabadu, tanba nee se mak la ba swab autoridade kompetente liga ba Covid-19 sei ba tula sira. Laos tula tanba sira kona ona Covid-19 lae, tula sira atu tuir swab.

Tuir fontes konfirmadu katak, rezultadu neebe fo sai hatudu katak, iha Tribunal Rekursu pozitivu nain haat, no Tribunal Distrital Dili pozitivu nain rua. Maske nunee, STL seidauk halo konfirmasaun lolos konaba pozitivu hirak nee, oras nee dadaun iha fatin neebe.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: