Jullu To’o Agostu PRADET Identifika Moras Mental Iha Dalan Ibun

DILI, STLNEWS.co – Hahu husi fulan Jullu no Agostu tinan nee, Organizasaun Psychosocial Recovery and Development In East Timor (PRADET), ninia ekipa voluntariu identifika kliente moras mental foun nain ualu (8) neebe iha dalan ibun, hodi mai halo tratamentu iha unidade pisikiatria hospital nasional.

Kestaun nee informa husi Koordenador Programa Asistensia Moras Mental, iha Organizasaun Psychosocial Recovery and Development In East Timor (PRADET), Nicolao Vicente Ximenes ba STL liu husi telfone, Kuarta nee (15/09/2021).

Nia dehan, ekipa sira ho voluntariu identifika kliente moras mental oin foun nain ualu (8), kompostu husi mane nain neen (6) no feto nain rua (2), hela iha dalan publiku iha kapital Dili, nomos kliente hirak nee sira fo asistensia ai-han, asegura ijiene pesoal no halo koordenasaun ho familia, atu lori ba fasilidade saúde hodi hetan atendimentu.

“Iha periodu fulan rua nee, ekipa sira identifika maluk sira neebe mosu iha dalan ibun nain ualu (8), kompostu husi mane nain neen (6) no feto rua (2), husi ami nian atividade nee, ami konsege kolabora ho familia hodi lori kliente nain lima husi mane tolu (3) no feto rua (2) ba unidade pisikiatria hospital nasional, atu hetan tratamentu mental nian,” hatete nia.

Nia esplika, sira mos iha kliente moras mental, moris iha dalan ibun hamutuk nain lima nulu (50) mak hetan asistensia ai-han no ijiene pesoal husi ekipa voluntariu sira.

 Iha fatin ketak, Presidente Cruz Vermelha Timor-Leste Madalena Hanjam informa, situasaun agora ema hotu preokupa ho propagasaun surtu Covid-19, maibe haluha problema emosional psikososial neebe ema hotu hetan.

“Momentu ida Covid-19 nee, atendimentu suporta psikososial importante tebes atu halo ema fiar an hodi halo adaptasaun ho situsaun neebe difisil, tanba ema sente tauk hetan infesaun moras, sulan an iha uma, la hetan hahan, sai preokupasaun makaas halo isin sai fraku,” nia afirma.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: