Jurista Konsidera TL Laos Estadu de Direitu, Maibe Estadu Ditadura

DILI, STLNEWS.co – Relasiona ho dekretu lei neebe dehan obrigatoriu ema hotu tenke swab, jurista deklara ida nee viola ema nia direitu liberdade, no nasaun Timor Leste oras nee dadaun laos ona estadu de direitu, maibe estadu ditadura.

“Hanesan jurista hau la oompriende mekanismu estadu ida ne nia ukun. Tanba haree ba realidade agora, nasaun Timor laos estadu de direitu demokratiku, maibe estadu do regime ditadura,” dehan Jurista Fernando da Costa ba STL, iha TDD, Kuarta (05/05/2021).

Nia hatutan, tanba saida mak nia hatete hanesan ne, tanba estadu rasik liu husi Ministeriu Saude hatete katak, saude iha ita nia liman rasik, mas pela kontrariu saude iha estadu violador sira nia liman rasik.

“Se saude iha ema idak-idak nia liman, estadu ka governu labele hasai tan dekretu lei ida neebe mak kontra ka viola fali ema nia direitu liberdade. Se estadu ka governu Timor ratifika ona konvensoins oin oin para defende povo kiik nia direitu, maibe governu rasik kontra at liu fali,” dehan nia.

Jurista nee afirma, povu neebe mak la tauk mate, se nia senti sintomas ruma relativamente ho pandemia Covid- 19 serteza que nia ba apresenta, lao estadu tenke halo dekretu lei ida para hodi obriga ema atu halo swab. Governu ka estadu ida ne, halo tiha dekretu lei rebo rebo mas estadu la kontrola.

Hanesan kria estadu emerjensia, serka sanitaria, konfinamentu obrigatoriu, mas estadu fo osan ba kompania fahe nafatin sesta bazika halo ema halibur malu nafatin, nee oinsa lolos ne estadu ka governu ida nee iha nia hanoin diak, maibe atraza ona ka terlambat ona, tanba povo kiik aileba sira nee kompriende diak los tiha ona saida mak sira nia politika.

Nia dehan, povu kiik sira lafiar tiha ona sira, ho aktu violentu barak mak estadu ka governu ida nee halo. Devia governu ida monu governu ida tane ka sae para hadia, laos governu maioria monu tiha, governu minoria brani sae ba hodi tane, tane labele ona aplika ditadura obriga ema tenke halo tuir saida mak imi nia planu, hodi haluhan tiha direitu fundamental ema idak idak nian neebe mak governu konsagra ona iha konvensoins direitu humanu international nian neebe iha ona no direitu sira neebe mos konsagra ona iha konstituisaun RDTL.

Konsidera nee lalos liu, devia mos governu tau matan uluk ba iha povo nia sofrementu neebe mak povu hasoru iha situasaun neebe afeta ba povu iha inundasaun foin lalais akontese. Laos seidauk fo atensaun ba povu nia terus neebe halerik seidauk hotu, hamosu tan buat seluk neebe mak halo povu sai mate tanba frustrasi.

Iha fatin ketak, Akademista Universidade Nasional de Timor Lorosae (UNTL) Romerio Maria dehan, atu aplika medida sira neebe iha presiza esplikasaun uluk atu ema bele komprende didiak.

“Ohin loron ema barak mak trauma ho swab nee, tanba nee presiza sosializasaun ka esplikasaun, atu ema bele komprende didiak hodi labele tauk ba swab,” dehan nia.

Maibe nia parte husu nafatin ema hotu, atu koopera no saude sira, maske iha failansu ruma neebe sei iha, espera bele hadia no servisu hamutuk kombate virus nee.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Komunidade Camnasa Sai Penonton Perfurasaun Mina Matan Liu Rai Ho Fetok Maus

COVALIMA, STLNEWS.co - Komunidade Suku Camnasa lamenta ho perfurasaun mina matan Liu Rai ho Fetok Maus, neebe halao husi kompana Timor Resourse, tanba sira...

Aban PM Taur Lansa Perfurasaun Mina Posu Kmaus Ho Liurai

DILI, STLNEWS.co - Primeiru Ministru Taur Matan Ruak aban sei lansa perfurasaun mina posu kmaus ho liurai iha Munisipiu Covalima. Timor Leste ho nia istoria...

Update Covid-19 TL 26 Outubru: Kazu Pozitivu 4 & Rekuperadu Nain 4

DILI, STLNEWS.co – Ohin Tersa, loron 26 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...