Juventude 35 Husi Nain Feto Tuir Formasaun

DILI, STLNEWS.co – Juventude hamutuk nain 35 husi Postu Administrativu Nain Feto tuir formasaun konaba edukasaun siviku, neebe mak organiza husi Sentru Juventude Komoro servisu ho Sekretaria Estadu Juventude Desportu (SEJD).

“Konaba formasaun edukasaun sivika neebe halo iha Postu Admnistrativu Nain Feto, tanba servisu hamutuk ho unidade servisu SEJD nian iha Postu Nain Feto. Ita hahu kordenasaun wainhira sira mos kordena ho suku sira, oinsa bele delega joven sira husi suku neebe mak iha Postu Admnistrativu Nain Feto   bele mai partisipa iha formasaun nee,” tenik Diretor Sentru Juventude Komoro, Zito Izodoru Viegas ba  jornalista sira iha Sede Postu Admnistrativu Nain Feto, Dili, Tersa nee (26/04/2022).

Nia dehan, sira koordena malu halo fali enkontru hodi koordena oinsa preparasaun  ba iha material sira, no ohin konsege realiza atividade nee, tarjetu neebe iha joven hamutuk 35 pesoas, formasaun nee durante loron 5. 

Iha fatin hanesan, Xefi Departamentu, Dezenolvimentu Edukasaun  Siviku SEJD, Moniz Gonsalves hatete, SEJD sempre tau  orsamentu ba ida nee atu halo formasaun konaba edukasaun siviku  ba juventude sira.

“Objetivu ita tau orsamentu ba ida nee atu forma ita nia joven sira iha responsabilidade, atu partisipa ativu iha kualker asaun sira neebe akontese iha sosiedade,” katak nia.

Nia dehan, tinan ida nee formasaun konaba edukasaun sivika halo iha teritoriu laran tomak, iha Dili realiza Postu Administrativu Nain Feto, maibe servisu hamutuk  ho Sentru Juventude Komoro.

Entretantu, Formandu Claudio da Costa Alves orgulhu tanba   bele partisipa atividade ida nee, bele fo mos esperiensia  ba  juventude sira oinsa atu aprende edukasaun sivika.

(mar)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...