Juventude Baucau Apoiu Espoza PM, Kandidata An Ba PR

DILI, STLNEWS.co – Grupu Juventude Munisipiu Baucau fo apoiu tomak ba espoza Primeiru Ministru, Isabel da Costa Ferreira, atu kandidata an ba Prezidente Republika iha eleisaun prezidensial 2022.

Porta voz Grupu Juventude Munisipiu Baucau, Grecia Guterres Gomes hatete, bazeia ba festa demokrasia neebe ema hotu sei realiza iha tinan 2022, konaba eleisaun Prezidente Republika ba periodu tinan 2022 – 2027.

“Eleisaun Prezidente Republika ba periodu tinan 2022 – 2027, mak ami husi joven Munispiu Baucau, hakarak husu no apoiu eis primeira dama atu faz parte hodi dedika an ba Prezidente Republika. Iha momentu ida nee kedas, no mos ba iha futuru, ami prontu hodi apoiu ba kandidatura Isabel da Costa Ferreira,” tenik Grecia ba jornalista sira iha restaurante Benfika, Kuarta (25/08/2021).

Nunee mos, husi Grupu Juventude Munisipiu Baucau, sai hanesan fini ba rai ida nee nian, sente no haree ba realidade balun katak, maioria lider balun aproveita joven sira, no konsidera joven sira sai hanesan ai tonka hodi satan netik an iha tempu balun deit.

“Ho nunee, ami hanoin ida ho fuan ida katak, ema neebe tenke sai Prezidente Republika, tenke mai husi kandidatura independente no ami tenke hili feto, hanesan ema generoza ida neebe sempre hatudu ba ami nia matan no ba rai ida nee, liu husi asaun sira neebe ami hotu sempre akompana, Dra. Isabel da Costa Ferreira, iha duni kapasidade atu ezerse funsaun neebe mak nia kandidata ba,” dehan nia.

Nia informa, hanoin no sente duni katak, Isabel da Costa Ferreira mak ema ida neebe nakonu ho personalidade no karakter mais pratiku, ho fuan Isabel da Costa Ferreira nian neebe joven Baucau rekonese mak hanesan karidade, solidariedade, honestidade, no entre sira seluk.

Timor Leste presiza Prezidente ida neebe iha sentimentu hanesan inan ida, atu hakoak nia oan sira hotu, hodi hatudu katak, ba futuru neebe diak tenke pasiensia, esforsu, no honestidade, agora iha ona oportunidade mai Grupu Juventude Munisipiu Baucau atu sira hotu apoiu feto.

“Simplisidade mak sei hariku an hodi sente katak ita nia fuan hamutuk ho espiritu ilumisaun hodi lori ita ba konese se loos mak ida ne’e. Ita ho fuan sempre hariku mos ba maluk seluk nia fuan, maluk joven sira iha Munisipiu Baucau no namkari iha fatin – fatin, em nome de joven husi Munisipiu Baucau, enkoraja nafatin ita hotu. Mai ita hamutuk ho fuan ida, hodi apoiu sem limite ba kandidatura, Isabel da Costa Ferreira ba PR, periodu 2022 — 2027.

Nunee mos, Koordenadora Grupu Juventude Munisipiu Baucau, Auxiliadora Alice Pinto Ribeiro dehan, sira garante eis primeira dama sai Prezidente Republika iha tinan 2022 to’o 2027.

“Ami garante hili eis primeira dama kandidata an ba Prezidente Republika hanesan independente ida para bele ukun nasaun ida nee,” katak nia.*

Reportajen: Natalia Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: