K-RDTL La Bandu Feto Involve Iha Kualker Atividade

DILI, STLNEWS.co – Konstituisaun Republika Demokratika Timor Leste (K-RDTL) la bandu feto atu involve an iha kualker atividade, tanba nee feto tenke prepara an hodi kompete ho mane iha kualker atividade.

Kestaun nee hatoo husi Konsellu Fundador RONETIL, Laurentino Alves ba STL liu husi telefone Tersa nee (26/10/2021) hatete, estadu TL rekonese no valoriza feto nia involvimentu iha konstrusaun estadu, tanba nee iha lei ida koalia konaba jeneru nomos fo dalan liu husi kouta 30% feto involve iha vida politika.

“Feto nia involvimentu importante iha konstrusaun estadu, klaru iha K-RDTL nee la bandu feto nia involvementu iha vida politiku, proporsionalidade politiku mos fo 30% ba involvimentu feto iha palku politika, tanba nee mos sei sai maduru liu tan iha futuru,” dehan nia.

Nunee mos Diretora Fundasaun Caucus Feto ba Politika Terezinha Cardoso hatete, feto nia partisipasaun iha vida politika iha mudansa ona, uluk Kuota 30%, maibe agora liu ona husi ida nee hatudu katak, feto hahu dadaun ona involve an, maske iha munisipiu sira feto nia involvimentu sei menus, maibe kompara ho tempu uluk iha ona mudansa signifikativu.*

(Eme)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...