Kaben Husi SEAK Deskonfia Hakotu Vida Ho Tara Aan; Familia Husu Autopsia

DILI, STLNEWS.co – Sekretariu Estadu Arte no Kultura (SEAK) Teofilo Caldas nia kaben, deskonfia hakotu vida ho tara aan iha kuartu laran. Parte familia husu polisia forensik atu halo autopsia ba mate isin, nunee bele hatene motivu husi tara aan.

“Hau seidauk bele fiar katak hau nia bin tara aan, tanba mate lahatudu sinal hanesan ema tara aan, baibain ema tara aan nee hatudu sinal hanesan nanal sai, mii aan no kaben mutin sulin, maibe hau nia bin nian lahatudu, tanba nee hau husu atu halo autopsia para bele hatene motivu husi mate nee,” dehan Alexandria Madeira, nuudar alin husi matebian nee iha fatin akontesementu Bebonuk, Suku Madohi, Postu Administrativu Dom Aleixo, Munisipiu Dili, Domingu (16/05/2021).

Entretantu, matebian Levenita Madeira mate ho idade 38, husik hela laen no oan nain lima (5), mane nain haat (4), no feto ida (1).

Hafoin simu informasaun husi familia, polisia forensik too kedas iha fatin akontesementu Bebonuk, no dada kedas lina polisia haleu SEAK Teofilho Caldas nia uma no kareta, depois halo investigasaun.

Hafoin remata investigasaun, polisia forensik transporta kedas mate isin hodi ba halo autopsia, hamutuk ema nain neen (6), neebe antes nee hela ho matebian inklui SEAK Teofilo Caldas, hodi ba halo investigasaun.*

Reportajen: Donanciano Magalhães
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: