Kada Tinan, Kampionatu Nasional Karate-do Sempre Iha

DILI, STLNEWS.co – Federasaun Karate-do Timor Leste, kada tinan sempre iha kampionatu nasional Karate-do, maibe tinan nee, depende ba situasaun pandemia Covid-19 iha rai laran.

Lia hirak nee hatoo husi Sekretariu Jeral Federasaun Karate-do Timor Leste, Antonio Carlos ba STL iha nia knaar fatin edifisu CDTL, Dili, Tersa (07/2021).

“Tuir planu kampionatu nasional Karate-do kada tinan nee sempre iha maibe buat hotu depende ba ita nia situasaun agora, tanba se ita hakarak halo buat ruma depende covid, tanba ita halo kampionatu nasional ita tenke hasoru malu i ema barak tanba tuir regras OMS nian ita labele liu husi 10 pesoas,” tenik nia.

Nia dehan, tanba nee mak agora dadaun akompana deit situasaun rai laran agora, hanesan hotu hatene katak iha mundu tomak inklui Timor Leste hasoru hela pandemia Covid-19, neebe governu no estadu foti desizaun hodi halo estadu emerjensia durante fulan hirak nia laran, nunee federasaun rasik mos suspende tomak ba munisipiu sira kona ba atividade treinu.

Aleinde nee, nia mos informa iha munisipiu sira nee hotu tanba iha kondisaun balu kee seidauk bele halao sira nia atividade mak hanesan munisipiu Lospalos, Liquiça, no RAEOA, durante covid nia laran iha fulan Maiu liu ba sira husi RAEOA konsege halo duni sira nia ezame, tanba sira kontinua kumpri regras Organizasaun Mundial Saude neebe sira ezame ona iha 30 Maiu liu ba, no Lospalos halao tiha ona sira nia ezame, no fulan oin tuir planu Liquiça sei halo ezame ba estudante sira sae sintu.

Nia akresenta, naturalamente tuir orientasaun husi ita nia governu ema neebe 18 anos ba leten tenke simu vasina tanba relasiona ho covid nee, neebe orienta ba sira katak iha obrigasaun hanesan sidadaun tenke kumpri buat neebe estadu haruka.

“Ami la iha data kompletu iha munisipiu sira halo duni ka lae, maibe iha munisipiu Dili kuaze 65% nee sira halo vasina 40% ital, nee maioria labarik kiikoan sira,” katak nia.

Tanba nee mak fo sai tiha ona iha fulan Junnu katak hahu fulan Jullu ida idak haree kondisaun neebe bele ona halao treinamentu, atu nunee bele prepara fali ba atividade sira seluk.

Reportajen: Maria Tavares
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: