DILI-Justisa ba ema hotu tanba nee bankada FRETILIN iha Uma Fukun Parlamentu Nasional, husu ba deputadu Francisco Kalbuadi Lay labele halai ses husi justisa.
Kestaun nee hato husi Vise Bankada FRETILIN deputada Jose Soares, ba jornalista sira iha Parlamentu Nasional, Segunda (04/03/2019), deputada Josefa hatete, hanesan bankada FRETILIN hatete ona foin lalais iha plenaria katak, deputadu Kalbuadi Lay mai fila fali iha Parlamentu Nasional nee, tanba buka oinsa atu hases an husi justisa.
Hau hanoin lapresiza ses husi justisa ema hotu hotu hatene, se ita lasala ita ba hatan deit, labele tauk, ita ba hatan depois justisa mak sei hare katak los ka sala para depois mak mai fila fali iha Parlamentu Nasional,” dehan deputada Josefa.
Nia dehan, Povu kiik nee sempre hatete dehan justisa nee apenas ba sira, maibe boot sira laiha justisa tanba sira iha regras hasai imunidade, para atu labele hatan iha Tribunal, nunee mos iha eis membru governu balu neebe ke sama mate tiha ema nia oan I nunka ba hatan iha justisa.
Iha fatin hanesan Vise PPN Luis Roberto Ezije nafatin sidadaun hotu hotu tenke hakruk ba lei, tantu husi Prezidente tun mai to kraik hakruk ba lei, tanba lei mak nudar mata dalan ba Timor oan sira iha nasaun ida nee. Notisia kompletu lee iha jornal STL edisaun Tersa (05/03/2019). Carme Ximenes