Kalohan Apresia Jerasaun Foun Baucau Partisipa Apoiu ba PR

Baucau– Kandidatura Antonio da Conceicao Kalohan apresia tebes ba jerasaun foun sira tanba partisipa maksimu iha kampana ho disiplina, tanba nee karik eleitu sei sai mos ibun  no lianba povu sira laiha lian atu hatoo sira nia  preokupasaun ba nesesidade baziku.

Tuir Kandidatura Prezidente da Republika Antonio da Conceicao Kalohan katak, iha kamapana loron rua nia laran povu sira partisipa maksimu, liu-liu jerasaun foun sira. Dala barak ema hein katak sai PR nee nia knar hanesan governu, maibe lahanesan, maske nunee   nia nafatin defende povu atu haree povu liu husi ema hotu nia servisu hamutuk hodi hadia povu nia moris diak.

Hau observa no haree husi Lospalos mai too Baucau  hau sei haree nafatin partisipasaun boot liu nee husi jerasaun foun sira, ida nee signifika katak jerasaun foun sira mos hakarak hatudu sira nia espetativa ho komprimisiu neebe mak sira halo hakarak atu fo apoiu ba hau.  Tanba  nee hau sei sai ibun no lian  mos ba povu tanba iha nasaun ida nee laos iha oportunidade hotu ba povu  sira atu koalia kona ba  preokupasaun, hanesan falta beemos, ahi eletridade laiha, eskola laiha kondisaun, neebe hanesan pr tenke haree ida nee,” katak Kalohan iha intervista, Sabadu (04/03/2017) iha Baucau, salaun Gol.

Nia hatete, aleinde nee espesialmente atu promove dialogu institusional, ida nee kondisaun ida nesesariu tebes atu instituisaun de estadu bele iha separasaun de poder, maibe labele reklama nia direitu no nia kompetensia deit, maibe tenke hanoin katak PR eziste atu halo buat ruma ba povu, neebe PR tenke sai promotor ba ida nee,  bele fulan ida ou rua halo dialogu instituisional dala  ida, atu nunee bele hadia moris povu sira nian.

Iha fatin hanesan Primeira Vise Partidu Kmanek Haburas Unidade Nasionál  Timor Oan (KHUNTO) António de Sousa Veriál, informa, lia fuan husi Nai Mori apela ba militante KHUNTO iha teritoriu tomak atu firmi no vota ba kandidatu Prezidente da Repúblika ba periodu 2017-2022 Antonio da Conceição Kalohan.

Nia senti haksolok teb-tebes, tanba haree KHUNTO oan sira hamutuk ho joventude PD sira ninia disiplina nee forti no makaas teb-tebes, tanba nee disiplina neebe maka sira hatudu ona karik labele ba loron ida ka rua deit, maibe husu nafatin atu mantein orden, disiplina no kooperasaun nee ba oin. Guilhermina Franco    

 

LEAVE A REPLY

Please enter your comment!
Please enter your name here

NEWS UPDATE

Komemora Loron Proklamasaun, Presiza Hadia Povu Nia Moris

DILI, STLNEWS.co – Maske estadu gasta osan hodi komemora loron proklamasaun independensia, maibe povu barak sei moris iha mukit. "Hau nia hanoin tinan - tinan...

Kandidata An Ba PR, Labele Sai Opozisaun Ba Instituisaun Estadu

DILI, STLNEWS.co – Jurista Timoroan husu ba sidadaun se deit maka atu kanidata an ba Prezidente Republika, tenke hatene funsaun PR nian. Tuir Jurista Sergio...

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...