Kandidata Ema Ba PR, Parpol Tenke Haree Ema Kualidade

DILI, STLNEWS.co – Relasiona oras nee dadaun partidu politikus (parpol) sira hahu prepara ba prosesu eleisaun prezidensial 2022, tanba nee husu parpol bainhira kandidata ema, tenke haree kualidade no esperensia diak hodi dezenvolve nasaun.

Kestaun nee hatoo husi Oscar Lima nudar sidadaun Timor oan, atual Prezidente Câmara Comércio Industria Timor Leste (CCI-TL) ba STL iha nia knaar fatin Comoro, Kuarta (07/07/2021).

“Nudar Timor oan hau lamenta kuandu loke espasu nee luan demais ba ema hotu bele kompete. Hau mos bele kompete, maibe atu ba xefe estadu nee ho objetivu atu hadia rai ida nee, laos ba kompete hodi manan osan deit. Haree demokratikamente, rai ida nee fo direitu ba ema hotu atu kompete, maibe hau hanoin partidu politika sira tenke haree ema ida neebe ho kualidade,” katak Oscar Lima.

Nia dehan, lei bele fo dalan, maibe husu para lei nee karik bele aperta netik oituan ba, atu nunee haree hanesan todan oituan. Tanba labale hanoin ba atu buka osan deit, neebe tuir loos ema neebe kandidata an ba tenke haree ema neebe mak servisu atu hadia duni rai ida nee, labele atu lori fali nasaun nee ba kotuk.

Tuir nia, kandidatu ba PR nee presiza iha kapasidade ho esperensia neebe mak diak, maibe agora laiha ona. Tanba nee parpol sira bele haree, atu tetu didiak, laos tan deit demokrasia.

Nia dehan, partidu seidauk iha planu ida, maibe iha tempu badak mak iha kongresu partidu nian, ida nee sei sai ajenda atu deskute.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: