Kandidata PR KHUNTO Lao Mesak, Kapasidade Iha Asesor

DILI, STLNEWS.co – Partidu KHUNTO deside avansa mesak ona kandidata Armanda Berta ba Prezidente Republika (PR) iha eleisaun Prezidensial 2022, kestaun kapasidade labele kestiona, tanba kandidatura nee bele, no sei iha asesores.

Xefe Bankada KHUNTO, Deputada Olinda Guterres hatete, KHUNTO iha ona kandidatu ba eleisaun PR. Enkuantu kona ba antes nee iha deklarasaun husi Sekretariu Jeral Partidu FRETILIN katak partidu 3 sei avansa, ho kandidatu ida, maibe nee seluk ona, tanba KHUNTO iha nia ema, i seidauk tuur hamutuk atu koalia kona ba ida nee. Karik konsulta ho konselleru máximo maibe lahatene, tuir nia hatene nee seidauk koalia, tanba nee avansa mesak.

“KHUNTO kandidata Armanda Berta nee hatudu katak, feto mos bele, nee demokrasia. I Berta bele mak hetan kadeira 5 iha PN, i Sai Vice Primera Ministra iha VIII Governu. Enkuantu kona ba kapasidade nee lalikan haree, tanba iha asesor sira. Armanda iha direitu atu kandidata an ba PR,” katak Olinda Guterres ba STL Kuarta (30/06/2021) iha PN.

Nia dehan, iha ema barak mak kritika tun sae, maibe nusa sira sente bele nusa laba kandidatu an, laos tur-tur hodi kritika deit, ho mensajen oin-oin iha sosial media, maibe ho kestaun sira nee KHUNTO nafatin avansa, atu hodi hatudu forsa partidu nian iha 2022.

Tanba tuir nia, agora dadaun KHUNTO iha PN hetan kadeira 5, neebe atu hatene justifika loloos ba kadeira 5 neebe iha PN, atu aumenta ka menus nee mak mak lao mesak hodi haree forsa partidu nian.

Nunee mos Vice Bankada PLP, Deputadu Francisco Vasconcellos hatete, kona ba PLP, Fretilin ho KHUNTO atu avansa ho kandidatu uniku, maibe KHUNTO lao mesak, nee demokrasia hanesan nee.

“Enkuantu KHUNTO avansa mesak indika katak koligasaun partidu 3 iha governasaun agora lametin nee laloos, tanba ba kandidatura PR nee buat ketak ida. Tanba atu kandidata an liu husi partidu ka pesoal nee konstituisaun labandu, neebe desizaun KHUNTO iha nia ema nee direitu partidu 2, FRETILIN ho PLP labandu no respeita, i hatoo mos parabens,” katak Vasconcelos.

Entretantu ba partidu PLP nian, agora dadaun seidauk, tanba sei iha prosesu, neebe iha fulan hirak mai mak sei haree hodi foti desizaun.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: