Kandidatu 13.174 Tuir Teste Ba Australia

Kandidatu Timoroan hamutuk 13.174, iha Munisipiu Dili, tuir teste fiziku ba servisu iha Australia. (Foto: STL/Maria Tavares)

DILI, STLNEWS.co – Kandidatu Timoroan hamutuk 13.174, iha Munisipiu Dili, tuir teste fiziku ba servisu iha Australia.

SEFOPE, Alarico do Rosario liu husi diskursu hatete, programa teste fiziku ida nee tinan kotuk liu ba lao tiha ona iha munisipiu 11, lolos nee teste fiziku nee kleur tiha ona, maibe Timor Leste infrenta COVID-19.

“Ohin loron nee 900 deit, 900 nee fahe ba iha grupu tolu sira teste ho sira nia ezaminador, neebe ajuda husi estrutura Akademi Polisia Nasional nain 10 ho tan funsionariu sira neebe mak apoiu ba teste ida nee,” dehan SEFOPE Alarico.

Nia esplika SEFOPE dalaruma halo rekrutamentu sistema familiar, maibe ohin tau iha Akademi para Polisia envolve hotu para ema labele koalia sistema familiar, sistema kolega ka tanba ida nee mak transferensia.

Governante nee hatutan teste karik ohin liu ba ona Australia nee lae, ohin diretor mos koalia tiha ona teste selesaun kuandu liu naran sei tama iha sistema.

Tanba nee tenke kuidadu aan, kuidadu hahalok tua teen, sigaru teen buat sira nee hotu tenke dook.

“Imi atu bele isin diak dala sanulu, mais kuandu ita boot sira subar moras nee la ba iha ita nia rai, maibe ba iha Australia, tanba bainhira ita boot tun iha neeba ema nia sistema leno kualker moras saida deit deteta hetan kedas,” nia hatutan.*

Reportajen: Maria Tavares
Editora: Carme Ximenes

LEAVE A REPLY

Please enter your comment!
Please enter your name here