Kandidatu F-FDTL Lapasa Buka Servisu Seluk

DILI, STLNEWS.co – Xefe Estadu Maior-Jeneral das FALINTIL-Forsa Defeza Timor Leste (F-FDTL), Tenente-Jeneral, Lere Anan Timur hatete, kandidatus ba membru F-FDTL neebe mak remata ona teste karik laliu labele halo protesta diak liu buka serbisu seluk halo.

Tenente Jeneral, Lere Anan Timur hatoo kestaun nee ba jornalista, bainhira remata hasoru malu ho Prezidente Republika, Francisco Guterres Lú Olo iha Palasiu Prezidensia Nicolau Lobato, Bairru Pite Kuarta (21/07/2021).

“Agora hau mos seidauk simu relatoriu husi komisaun rekrutamentu nia, hau foin mak konvoka orsida lokraik ou aban sira sei aprezenta sira nia relatoriu, sei hatama lista kandidatura sira neebe mak apurado depois mak ami estuda se mak liu semak laliu, ida nee militar se mak laliu labele mai dehan tanba sa laliu diak liu o nonok o ba toba halo serbisu seluk nee laos ONG,” hatete Tenente Jeneral Lere.

Nia hatutan, se mak pasa liu ona, se mak lapasa laliu ona, maibe ida nee komandu mak hatene, maibe ate agora seidauk tanba foin lalais feriadu iha loron segunda no tersa, tanba nee orsida (Kuarta lokraik) ou aban mak komisaun Rekrutamentu hatama lista apuramentu nia.

Nunee mos kona ba formasaun nee terenu baziku no laiha mudansa, maibe depois trenu baziku hotu pasa ona ba militar mak foin iha ona espesialidade mak balu ba forsa ofisiais, balun ba polisia, balun ba naval, balun ba komando no balun ba infataria ida nee mak preparasaun oin seluk maibe agora nee hanesan babain.

Iha biban nee Tenente Jeneral Lere mos hasoru malu ho Prezidente Republika, Francisco Guterres Lú Olo, hodi relata situasaun forsa no situasaun rai laran ba PR.

Lere hatete, situasaun iha rai laran situasaun diak hela no situasaun lao hakmatek, ida nee mak nia hatoo ba Prezidente Republika Francisco Guterres Lú Olo.

Iha enkontru nee Prezidente Republika mos husu Forsa Defeza Timor Leste no Polisia, kumpre nafatin regra ba misaun dever neebe iha no presiza mos kondisoens liu liu polisia, tanba balun husi Lospalos ba knaar iha Suai no balun husi Suai ba Lospalos maibe kondisaun laiha mos problema.

Nunee mos meius ba serbisu nia tenke iha transporte no tenke iha infrastruktura, nunee Forsa Defeza Timor Leste no Polisia halao sira nia misaun.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: