Kandidatu Juiz 210 Teste Eskrita, Nain 28 MaK Liu

DILI, STLNEWS.co – Kandidatu sira ne’ebé kompete ba iha kareira juiz nian, iha Sentru Formasaun Juridiku i Judisiariu, naran ne’ebé publika iha jornada da republika atu tuir teste eskrita hamutuk 210, maibe tuir teste husi numeru ne’e, iha nain 28 mak liu ba iha teste oral.

“Ezame sira nian hotu ona, juri liu husi reuniaun deside tiha ona, sira tuir ezame ne’e iha 28 mak liu ba oral,” dehan Diretor Sentru Formasaun Juridiku i Judisiariu Antonino Gonsalves ba STL, iha Caikoli, Tersa nee (28/09/2021).

Nia hatete, orariu ba oral nian iha loron 30 fulan Setembru, no iha loron 1, loron 4 no loron 5 fulan Outubru, no iha loron ida ema nain 7, dader 4 loraik 3.

Nia esplika tan, sira tuir teste ne’e hamutuk 210, no sira tuir teste ba materia tolu, materia sivil, materia penal no portugues. No sira ne’ebé liu ne’e ho valor 9,5 ba leten, sira ne’ebé la liu ho valor 9,4 mai kraik.

Nunee orariu lolos ba vaga juiz nian presija kandidatu 20, tanba nee sei iha provas oral, no ikus liu mak sei iha ezame pisikolojika mak bele determina nia pasa ka lae.

Antonino dehan, iha teste oral bele menus tan balu, tanba ne’e teste rigorozu, la eziste sistema familiarista iha laran. Se mak hatene bele liu, no se mak la hatene labele liu.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...