Kandidatu Juiz 25 La Tuir Teste

DILI, STLNEWS.co – Kandidatu nain 25 la tuir teste ba iha materia rua, portugues no sivil.

“Nain 25 la tuir ezame ba iha materia sivil no portugues, sira nee bele dehan valor la iha no la liu ona,” dehan Diretor Sentru Formasaun Juridiku e Judisiariu Antonino Gonçalves ba STL, iha Caicoli, Segunda (23/08/2021).

Nia hatutan, teste ba kandidatu juiz nee iha materia tolu, ida portugues, ida sivil, no ida penal, materia tolu nee kandidatu sira tenke hetan valor 10.

Nia esplika tan, kandidatu sira neebe la tuir ezame, la iha justifikasaun ruma, no konsidera sira la partisipa ona iha teste nee.

Nunee agora dadaun teste eskrita remata, haree tiha valor foin tama ba iha teste oral.

Hatan konaba kandidatu prokurador nian, nia parte dehan, kandidatu prokurador nian agora prazu remata ona no halo hela selesaun, se mak admitidu no se mak la admitidu.

Nia parte fiar teste nee la iha familiarizmu, tanba lista ba teste nee iha parte ida mak kaer, no kurije materia nee parte ida mak kaer.

Iha fatin ketak, akademika Universidade Nasional Timor Lorosae (UNTL), Romerio Soares, dehan presiza teste rigorozu atu hili ema neebe ho kualidade.

“Hanoin teste nee halo ho rigorozu, atu bele hili ema neebe iha kapasidade diak hodi halao knaar iha kargu neebe iha,” dehan nia.

Nia hatutan, husu estudante sira neebe kompete iha area nee, tenke iha vontade diak atu estuda no aprende saida mak iha.*

Reportajen: Terezinha de Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: