Kandidatu Majistradu Juiz 209; SS – KO Seidauk Realiza Ezame

DILI, STLNEWS.co – Sentru Formasaun Juridiku e Judisiariu Timor-Leste, loke inskrisaun ba juiz iha ona kandidatu 209 maka kompete ba iha juiz nian. Maibe seidauk bele tuir ezame, tanba sei aplika hela serka sanitaria no konfinamentu obrigatoriu.

Tuir Diretor Sentru Formasaun Juridiku e Judisiariu, Antonino Gonçalves katak, prosesu diskrisaun vaga ba majistradu sira nian prontu hotu ona, hein fo ezame deit, maibe kestaun mak ita sei iha hela situasaun estadu emerjensia no konfinamentu obrigatoriu, tanba nee seidauk realiza ezame.

“Numeru rejistu kandidatu majistradu sira nian, hanesan ba juiz rejistu ona too nain atus rua sia (209), hirak nee hein deit desizaun governu nian konaba fo livre estadu emerjensia, mak hahu kedas ba ezame,” dehan Diretor nee ba STL iha CaiColi, Segunda (07/06/2021.

Nia hatutan, konaba Majislatura hanesan Ministeriu Publiku kandidatu nia numeru rejistu atinje ona ema nain 226, no Defensor Publiku iha ona kandidatu 164.

Nunee sei simu kandidatu ba Ministeriu Publiku no Defensor publiku nian, tanba sei iha prazu fulan ida. No loron rejistu termina, mak CFJJ sei fo ezame ba kandidatu sira hodi prosesu ida neebe mak naruk, no sei bele too fulan 4.

Antonino esplika tan, prazu ezame sei han too fulan 4, tanba sei iha prosesu barak, hanesan eskrita, oral, husi nee karik balu sei halo reklamasaun ruma, tanba kuandu iha prosesu reklamasaun mos sei fo prazu normal husi loron 8 too loron 15, tanba nee mak prazu ezame nee bele han fulan 4 nia laran.

Nia parte haree katak, problema formador iha CFJJ mos sei menus. Tanba nee husu governu tenke kontrata tan formador hamutuk nain 7, inklui ema sientistika psikiator ida, nunee bele avalia kandidatu sira ho diak, garante duni kualidade majislatura.

Iha fatin ketak, Advogada Privada Belmira Fernanda Soares katak, serka sanitaria no konfinamentu obrigatoriu, afeta mos ba iha serbisu sentru formasaun, afeita mos ba iha serbisu advogada nian. Tanba nee nia parte husu ba goveru nafatin tau importansia ba tribunal, atu serbisu balu neebe merese atu halao, tenke halao duni.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: