Kandidatu PR, Horta: Hau Husik Xanana – Berta Kompete

DILI, STLNEWS.co – Partidu Politiku (Parpol) sira hahu prepara kandidatu ba Eleisaun Prezidente Republika (ELPR), tinan oin, maibe Premeadu Nobel da Paz, Jose Ramos Horta lakohi kandidata ou haksoit tama, husik Xanana kompete ho Armanda Berta.

Nia dehan, haree ba oras nee dadaun preparasaun ba eleisaun Prezidensial nee, ho situasaun agora nee laiha problema, tanba situasaun Covid kontroladu, iha rai sira seluk, covid makas maibe eleisaun lao nafatin.

Normalmente kuandu halo eleisaun tenke haree distasiamentu, iha kampana mos fasil halo distansia, tanba iha polisia iha neeba, i iha neeba iha komisaun organizadores sira neebe atu realiza kampana hatene obedese ba regras, neebe fasil.

Kandidatu agora barak mak mosu ona, enkuantu kona ba Horta rasik atu kompete iha eleisaun, maibe nia rasik seidauk iha desizaun, talves iha fulan ida nee, maibe Armanda kandidata aan ona.

“Berta kandidata aan ona, nunee mos Xanana ema temi bei-beik, ida nee hau husik Armanda ho Xanana mak kompete. Maibe Xanana rasik kompete ho Berta hau hanoin Xanana mos araska, tanba nee hau lakohi atu haksoit tama tan iha laran”, katak Horta ba jornalista, iha nia rezidensia, Farol, Dili, Segunda (02/08/2021).

Eis PR nee hatutan, haree ba espresaun publiku katak, Horta sei hetan apoiu husi Xanana atu kandidata ba iha eleisaun prezidensial, maibe horta koalia ho Xanana dala barak. I haree Xanana nee ema ida matenek mai ho vizaun i ho domin ba povu, i hakiak povu hodi dada dalan diak, hanesan iha tempu krize boot iha okupasaun.

Nunee mai independensia ho matenek, rezolve fronteira maritima permanente ho Australia, nia mak ho autoridade iha politiku konsege avansa ba negosiasaun ho Indonezia kona ba fronteira terrestre, neebe iha tempu balu se asina akordu.*

Repotajen: Guilhermina Franco/Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: