Kandidatura Jerasaun Foun Bele Lori Timor Ba Mundu

BAUCAU, STLNEWS.co – Manuel Xisto de Carvalho sei fo nia votus ba maluk jerasaun foun, karik kandidatu an hotu ba Prezidente Rebuplika ba periodu 2022 too 2027, tanba jerasaun foun mak bele lori Timor ba mundu.

Lia hirak nee hatoo husi jerasaun foun, Manuel Xisto de Carvalho husi Munisipiu Viqueque, Postu Administrativu Ossu, Suku Bulale ba STL iha nia fatin Vila Nova Baucau, Segunda (28/06/2021).

Nia hateten, wainhira tribunal rekursu publika kanditatus Prezidente Republika ba periodu 2022 too 2027 mak iha jerasaun foun ruma kandidatu an, sei fo nia votus ida.

“Pesoalmente ba hau nundar jerasaun foun, valoriza jerasaun tuan sira nia luta, maibe nuudar jerasaun foun ita hare ba kandidatu neebe mak bele lori Timor ba iha nasaun hotu hotu, ba hau sei fo apoiu liu husi votus karik jerasaun foun balun aprezenta sira nia kandidatura ba iha tribunal rekursu wainhira publika,” dehan Manuel.

Nia afirma, razaun nia hili jerasaun foun, tanba jerasaun foun mak bele ultra pasa iha situasaun, nomos jerasaun foun mak nakonu ho arogansia pozitivu hakarak lori nasaun nee ba mundu internasional hanesan iha kontenente lima no ba ASEAN neebe iha hela prosesu nia laran atu registu.

Tuir Manuel nuudar jerasaun foun, durante jerasaun tuan sira ukun buat hotu lao diak, maibe iha tempo ida nee, fo tempo ba jerasaun foun sira ukun, jerasaun tuan sai konseleiru deit ba instituisaun hotu hotu.

Iha fatin seluk estudante husi eskola universitariu, Anita Brites Gonçalves hateten, atu hili jerasaun foun ka jerasaun tuan tuir nia haree ema nia kapasidade nunee bele garante iha futuru.

“Tuir hau sei hili hare lai ema nia kapasidade, tanba kapasidade mak foin bele nasaun nee ba oin, lalika haree ba partidu ka koor, tanba nasaun nee presiza ema iha kapasidade mak foin bele assume kargo hanesan Prezidente sira nee tuir hau nia hanoin deit,” katak Anita.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: