Kandidatus Membru F-FDTL Tenke Onestu

DILI, STLNEWS.co – Xefe Estadu Maior Jeneral F-FDTL, Tenente Jeneral, Lere Anan Timur hatete, kandidatus ba membru F-FDTL sira tenke onestu, se inan aman iha Indonezia tenke koalia loos no karik iha Timor koalia loos.

Tenente Jeneral Lere hatoo kestaun nee ba jornalista, bainhira remata hasoru malu ho Prezidente Republika, Francisco Guterres Lú Olo Iha Palasiu Prezidensial Nicolau Lobato, Dili, Kuarta (02/06/2021).

“Inan aman iha rai liur ka iha neebe ka naran ema sidadaun Timor depois mak haree, mas ita militar tenke onestu koalia momoos dehan katak, hau nia inan aman iha Atambua para ita koñese, tanba ita atu serbí instituisaun militar ema ida tenke nasionalismu, patriotismu nee tenke domina,” dehan Tenente Jeneral Lere.

Nia hatutan, se purezemplu halo teste ba fíziku se membru nia liman sorin laiha nia labele tama, nasionalismu mos hanesan nee kuandu nasionalismu patriotismu laiha, quer dizer matan sorin aat labele tama ba tropa.

“Mas hau hanoin katak lei ita nia konstituisaun hatuur ba neebe fo dalan ba kualker sidadaun naran Timor oan iha direitu atu serbí nia nasaun i ita bele dehan katak instituisaun militar labele sai oportunidade ba ema ida, tenke responsabilidade ba ema neebe serbí.” natete nia.

Tenente Jeneral Lere hatutan, atu tuur iha governu oin seluk, polítika oin seluk, katak ohin bele ministru duni tinan 5 oinsa atu buka riku maibe mai fali lae ona.

“Nee mak hau hatete katak F-FDTL laos oportunidade ba ema ida atu ba hetan previleizu iha neeba laiha, tenke ba serbí. Ami iha komisaun rekrutamentu neebe ke sira laos lahalo sira nia aktividade independente, maibé sira rona orden husi estadu Maior Jeneral.” katak nia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: