Karakter Fator Determinante Salva Povu Husi Covid

Primeiru Ministru (PM), Taur Matan Ruak hatete, karakter sidadaun sira nia sai hanesan fator determinante atu proteje husi Covid-19 iha Timor Leste, tanba wainhira povu ka sidadaun lakumpre medidas prevensaun neebe governu hasai, bele fo perigu ba ema nia vida. (Primeiro-Ministro: S.E. Taur Matan Ruak Facebook Page)

DILI, STLNEWS.co – Primeiru Ministru (PM), Taur Matan Ruak hatete, karakter sidadaun sira nia sai hanesan fator determinante atu proteje husi Covid-19 iha Timor Leste, tanba wainhira povu ka sidadaun lakumpre medidas prevensaun neebe governu hasai, bele fo perigu ba ema nia vida.

“Hahalok ita ida-idak nian mak sei garante salva guarda ita nia moris rasik no sei salva ema seluk nia moris, hanesan ita nia familia sira nia moris nunee mos ita nia vizinu no kolega sira, iha ita nia liman,” dehan PM Taur iha debate pedidu Estensaun Estadu Emerjensia ba da-12, iha PN, Kuarta,(31/03/2021).

Xefe Governu dehan, Timoroan hotu presiza hanoin fali ba tinan kotuk konaba esforsu no hahalok responsavel ema hotu nian neebe hatudu iha momentu neeba tanba bele kontribui evita propgasaun Covid-19 iha Timor Leste.

Eis Prezidente Republika atual Primeiru Ministru iha governu da-8 nee dehan, ema hotu hakarak halo atividade normal fila fali sein rejistu ruma ema mate tanba moras Covid-19, presiza kumpre medidas neebe dadaun nee lao hela nunee kontribui ba evita.*

Reportajen: Alberto Menezes
Editora: Carme Ximenes

LEAVE A REPLY

Please enter your comment!
Please enter your name here