Karketu Preparadu Kontra Aitana FC

DILI, STLNEWS.co – Karketu Dili FC, preparadu ona hodi kontra nia adversariu Aitana Fc iha jogu abertura primeira divizaun Liga Futebol Timor Leste neebe sei realiza iha loron 12 fulan Novembru tinan 2021.

Tuir Diretor Tekniku, Karketu Dili FC Antonio Timotio hatete, sira nia ekipa iha preparasaun masimu hodi hatudu jogu ho diak iha jogu abertura nee, konaba garantia manan ou lae, ida nee 90 minutus mak haree, tanba FC Aitana mos ekipa neebe forte.

“Ami nia ekipa iha ona preparasaun masimu hodi hatudu jogu ho diak iha jogu abertura ne’e, maibe konaba garantia manan ou lae, ida ne’e ami lakoi fo komentariu uluk, ita hein 90 minutus nia laran mak ita haree, tanba FC Aitana mos ekipa neebe forte, maibe ami sei hatudu joqu ho masimu,” dehan Antonio Timoteo ba jornalista sira iha Salaun D”City Hotel Vila Verde, Dili, Segunda horiseik (25/11/2021).

Iha fatin Vise Presidente Klubu FC Aitana Joao Samanta Sousa hatete, sira nia ekipa preparadu kleur ona hodi partisipa iha liga ba epoka ida ne’e, tanba ne’e sira sei hatudu jogu ho diak para bele hetan vitoria iha jogu abertura nee.

“Ami nia preparasaun kleur ona hodi partisipa iha Liga Futebol ba epoka tinan 2021, tanba nee iha jogu abertura refere ami nia ekipa sei esforsu masimu hodi hatudu jogu ho diak para bele hetan vitoria iha jogu refere,” dehan Samanta.

Samanta katak, sira iha esperansa boot ba jogu abertura refere, tanba sira nia ekipa hetan suporta husi jogador estrangeirus nain 4 husi Indonezia, ne’e dunik sira garantia atu hetan vitoria iha jogu refere.*

(Mar)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...