Katekista Nudar Eroi Ba Uma Kreda

DILI, STLNEWS.co – Katekista sira nudar eroi ba uma kreda, tanba liu husi sira nia dedikasaun no sakrifisiu durante tinan naruk nia laran, fo aan tomak igreja hanesan liman ain bispu no padre sira iha bairu, aldeia, nomos iha parokia sira.

Lia fuan murak nee hatoo husi Dom Virgilio Cardeal do Carmo da Silva, SDB ba jornalista sira iha Igreja Katedral Dili, Sesta nee (08/12/2023).

“Arkedioseze Dili kuaze tinan 5 ka 6 ona kuandu selebra loron Dioseze nian, ami hahu rekonhese Ketekista sira nian servisu, ita hotu hatene katak Katekista sira nee iha uma kreda hanesan heroi sira neebe fo aan iha zona, bairu, suku iha Aldeia sira, nudar bispu no padre nia liman ain hodi hanorin, hodi ajuda haburas no haklean fiar sarani nian liu-liu iha Kapela sira, bairu mai too Parokia,” hatete Dom Virgilio.

Tanba nee, bainhira dioseze selebra tinan 80 nee, dioseze komesa hanoin iha tinan-tinan fo kondekorasaun ba katekista sira, tanba nee katekista lubuk boot ida nebe simu kondekorasaun hanesan sinal ida, dioszese agradese sakrifisiu dedikasaun tomak neebe Katekista fo uma kreda durante nee.

Dom Virgilio hatete, Dili mak dioseze inan Dioseze Baukau no Maliana mai ikus, tanba nee koalia kona ba dioseze inan mak katekista barak liu no tuan iha dioseze rua mos iha, neebe hanoin sira mos iha sira dalan atu agradese.

(joa/nat)

LEAVE A REPLY

Please enter your comment!
Please enter your name here