Kazu Eis Padre Iha Oecusse Produs Prova Foun

DILI, STLNEWS.co – Relasiona ho regra serka sanitaria no konfinamentu neebe iha, afeta tebes ba serbisu tribunal nian, liu-liu prosesu ida neebe deskonfia envolve husi eis padre ida iha orfanatu Topo Honis iha Oecusse, tenke rona provas foun, tanba provas neebe antes nee rona liu ona loron 30 prova lakon ona.

“Antes nee produs ona, maibe tanba liu ona loron 30 nia prova lakon ona, entaun produs fali prova foun. Nee impaktu husi serka sanitaria no konfinamentu obrigatoriu, tanba diferensa desizaun ida neebe entre nivel sentral no nivel rejional,” dehan defeza eis padre nian, Miguel Acasio Faria ba jornalista sira iha tribunal rekursu, Kuarta (09/06/2021).

Nia hatutan, tuir defeza nia haree serka sanitaria no konfinamentu obrigatoriu prejudika tebes prosesu prosedementu administrativa justisa nian, tanba entre desizaun serka sanitaria no konfinamentu obrigatoriu nee, iha nivel sentral no rejional ladun para.

Advogadu nee reforsa tan, ema barak dehan defeza la kolabora no justisa, maibe realidade defeza hatudu nia boa fe atu prosesu nee lao lalais. Maibe ho serka sanitaria no konfinamentu obrigatoriu, prejudika autoridade hotu iha desizaun neebe diferente.

Nia parte lakohi fo komentariu faktus konaba kazu nee, tanba tuir nia sei iha segredu justisa.

Tuir observasaun STL iha tribunal rekursu katak, tuir lolos iha loron (09/06/2021) nee julgamentu halao liu husi teleconference, maibe iha failansu uitoan, tanba nee adia ba oras tuku 14:00 loraik.

Nunee iha sala julgamentu, eis Parde nee mos marka nia prezensa. Eis Padre nee mai husi Amerika nudar amu lulik besik tinan lima nulu liuba, demite husi Igreja Katólika iha tinan 2018.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: