Kazu Espoza Teofilo Caldas; GMPTL Husu Mane Labele Sama Parseira

DILI, STLNEWS.co – Relasiona ho kazu Sekretariu Estadu Arte no Kultura (SEAK) Teofilo Caldas nia feen kaben, mate tanba deskonfia tara aan, Grupu Mulheres Parlamentu Timor-Leste (GMPTL) husu mane maluk atu respeita parseira sira, hodi labele sama sira.

Kestaun nee hatoo husi Prezidente GMPTL, Lidia Norberta. Nia hatete, feto maluk sira agora dadaun hasoru problema barak, neebe GMPTL halo deklarasaun politika beibeik ona, inklui mos ohin halo deklarasaun politika ba familia neebe monu iha dia 15 de Maiu.

Tuir nia, agora hatudu momos katak violensia domestika nee numeru aas hela deit, mezmu iha esforsu ona, maibe fila fali ba konsensia ho moral ema ida-idak nian. Se bainhira nasaun ida ema ladun iha moral, situasaun sira hanesan nee bele mosu.

“Hau husu ba feto maluk, ita hasoru situasaun dalaruma boot liu ita nia kapasidade, ita atu simu realidade hanesan sarani Katoliku, tenke iha fé ba Maromak nunee haforsa ita. Husu mos mane maluk sira redus violensia domestika ho konsensia, i haree imi nia parseira ho domin, ka kanosen sorin, labele halo ita boot nia kanosen sorin iha fali ita nia ain okos,” katak Lidia ba jornalista, Segunda (17/05/2021) iha PN.

Nia bolu atensaun nafatin ba mane maluk sira katak, violensia domestika nee sei lalakon, maibe bele redus kuandu kontribui husi mane maluk sira.

Tanba se tau parseira iha ain okos mak larespeita ona nia, i nia vida umanu nee sama ona, no lakonsidera nia, ho situasaun nee halo liu tiha ikus mai arepende.

Sira nafatin fo korajen nafatin ba familia sira atu bele rezolve kazu nee ho ulun malirin hodi bele hetan solusaun, i fo tempu mos ba autoridade polisial no forensik atu bele halo servisu investigasaun, hodi nunee lia los bele mosu.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: