Kazu Lahane Labele Fo Kulpa KomJer

DILI, STLNEWS.co – Xefe Estadu Maior Jeneral FALINTIL – Forsa Defesa Timor Leste (F-FDTL), Tenente Jeneral Lere Anan Timur, husu publiku labele fo kulpa ba Komandante Jeral (KomJer) PNTL, Komisariu Faustino da costa, maibe presiza muda sistema iha instituisaun nee nia laran.

Xefe Estadu Maior Jeneral F-FDTL, Tenente Jeneral Lere Anan Timur hatoo kestaun nee ba jornalista iha Palasiu Prezidente Bairru Pite, Kuarta (09/06/2021).

Komandante F-FDTL nee katak, relasiona ho kazu oknum polisia tiru mate komunidade nain rua, ema hotu-hotu fo sala Komandante Faustino.

“Ita labele loron kalan fo sala ba ema ida deit, ita la fo sala ba institusaun, fo sala mos ba instituisaun, aban bele hasai Faustino, hasai ema ba troka, se hanesan nee nafatin, ema ba mos la halo buat ida, entaun saida maka sala, sistema iha polisia,” hatete nia.

Lere kestiona, foin lalais governu sosa tan kilat ba PSIK, nusa la sosa kilat ba Timor tomak.

“Ita kuandu la muda sistema, ita bele tau ema matenek mos, buat nee sai aat nafatin, iha deskontentamentu boot iha polisia, hanesan halo avaliasaun promove ofisial sira ba sarjentu, sarjentu sira ba fali ofisiais, ida nee nunka pudia akontese, Faustino la haruka tiru ema,” katak nia.

Lere mos lamenta, polisia ida-idak lori kilat ba uma hanesan ninia privadu, tanba sistema maka fo dalan, purezemplu iha F-FDTL ninia laran, se maka lori kilat, tenke iha kartaun ida, autorizadu ka lae, se lae, polisia militar hetan iha dalan, kaer hasai tiha kilat.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: