Kazu Tama Ministeriu Publiku 402

Prokurador Jeral Republika, Jose da Costa Ximenes. (Foto: Espesial)

DILI, STLNEWS.co – Prokurador Jeral Republika, Jose da Costa Ximenes hatete, iha fulan Fevereiru tinan nee, kazu neebe tama iha Ministeriu Publiku hamutuk 402, kazu hirak nee kompostu iha teritoriu nasional tomak.

Dehan nia ba jornalista sira, hafoin remata enkontru ho Prezidente Republika, iha Palasiu Prezidente Nicolau Lobato, Dili, Tersa (23/03/2021).

“Durante loron 28, kazu neebe tama iha teritoriu nasional ita iha 402, prosesu Dili mak tama 248 prosesu, gabinete central tama prosesu 16 prosesu, Oecusse 13 prosesu mak tama, Baucau 78 prosesu, Suai 49 prosesu mak tama, total 402 prosesu, ita konsege finaliza 530. Fulan kotuk hau informa ba exelensia sira konaba atividade sira iha Janeiru, ita iha kazu pendente 2.651, agora dadaun 2.522 iha nivel nasional, nee konaba prosesu sira neebe lao hela iha Ministeriu Publiku no balun neebe la hela iha Tribunal.” hatete PJR Jose.

PJR hatete, nee enkontru mensal neebe halo fulan fulan, aproveita fo hela informasaun katak primeiru depois de estadu emerjensia dekreta liu liu espesial Dili ho Suai, Prokuradoria Jeral Republika deside oinsa organiza servisu interna ba majistradu, funsionariu, no ofisial halo servisu de turno ida.

Servisu de tornu nee atu atende primeiru julgamentu introgatoriu ba arguidu detidu sira nee kazu urjente, segundu julgamentu sumariu ba arguidu detidu sira, terseiru ba julgamentu sira kontinua neebe karik lahalo julgamentu bele lakon prova sira, entaun halo servisu de tornu iha Dili no iha Suai depois Suai levanta tiha, agora koko fila fali servisu sira urjente iha Dili no iha Baucau inklui Gabinete Central Kombate Korupsaun mos halo eskalaun de turnu ida para bele atende deit kazu sira.

PJR mos informa katak, relasiona ho vitima ida neebe mak iha Batugade, arguidu ida neebe mak halo violensia kontra nia oan feto, violasaun ho agravasaun iha Tribunal Suai no MP inisiu primeiru husu medida koasaun neebe forte, tanba arguidu ida nee halo kontra nia oan rasik, saida mak Tribunal deside atribuisaun periodika loron 15, pozisaun Ministeriu Publiku la konkorda.

MP halo rekursu infelismente antes rekursu tun arguidu oho vitima nia inan ou nia fen, agora iha ona prizaun preventiva, nee primeiru haree katak krime neebe mak akontese iha familia hanesan nee tenke kuidadu. Bainhira halo aprezentasaun periodika ona ema neebe halo violensia hela nafatin ho familia hanesan feen ho nia oan laiha prevensaun krime iha futuru.

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here