Kazu Tasitolu FM Husu Tenke Kondena Makaas

DILI, STLNEWS.co – Kazu Tasitolu neebe akontese iha loron Domingu (23/05/2021) membru polisia nain 2, neebe halo agresaun fisiku ba negosiante tiga roda neebe faan nu, tanba nee Fundasaun Mahein (FM) husu atu kondena makaas.

Diretor Ezekutivu Fundasaun Mahein João Almeida hatete, FM halo tiha ona posizaun ba kazu nee, kazu ida nee grave tebes.

Agresaun fizika ida neebe halo husi membru PNTL hasoru negosiante iha area Tasitolu, akontesementu sira hanesan nee akontese bei-beik ona.

“Kazu sira neebe nia natureza iha neebe ezije polisia tenki atua sirkuntansia uza forsa ninian nee polisia halo atuasaun ida neebe mak la tuir regras, kazu Tasitolu FM halo ona posizaun katak kondena makaaas atuasaun ida nee,” dehan Diretor Ezekutivu FM, João ba jornalisra iha knaar, fatin Bidau, Tersa (25/05/2021).

Nia dehan, halo agresaun hasoru negosiante neebe lei autoriza halao aktividade durante tempu serka sanitaria (SS), konfinamentu jeral obrigatoriu.

Tanba nee husu ba Komandu Jeral atu halo investigasaun, atu prosesu disiplina nomos prosesu kriminal, tanba kazu sira hanesan nee labele tolera beik-beik.

Iha situasaun konfinamentu obrigatoriu iha Munisipiu Dili, kazu iha semana kotuk nee iha kazu rua, no kazu Tasitolu laos foin akontese, ida halo agresaun hasoru funsionariu saneamentu haruka basa malu iha Tasitolu.

“Kazu ida mos iha Kuluhun membru PNTL ho grupu sivil ida baku ita nia ema ida iha neeba, tiru kanek joven nain rua iha Maskarinas, hahalok sira nee kontinua bebeik,” tenik nia.

Dalaruma polisia uza EE nee hodi halo tuir fali sira nia hakarak, tanba nee hahalok sira hanesan nee FM rekomenda loke investigasaun liu-liu hare ba proseu disiplinar no prosesu kriminal, no husu mos ba KomJer atu hadia komportamentu membru sira nee, liu-liu sira nia atuasaun sira iha stuasaun SS no EE.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: