KE-KSDS Apoiu PR Estende EE Da-10

Konsellu Estadu (KE) no Konsellu Superior Defeza Seguransa (KSDS), apoiu Prezidente Republika, Francisco Guterres Lú Olo i Estende Estadu Emerjensia ba da-10. (Dok: Media PR)

DILI, STLNEWS.co – Konsellu Estadu (KE) no Konsellu Superior Defeza Seguransa (KSDS), apoiu Prezidente Republika, Francisco Guterres Lú Olo i Estende Estadu Emerjensia ba da-10.

Kestaun nee hatoo husi Asesor Politika Prezidensial Republika, Grigorio Sousa ba jornalista bainhira remata enkontru ho Konselu Estadu no Konsellu Superior Defeza No Seguransa, iha Palasiu Prezidente, Nicolau Lobato, Bairru Pite, Dili, Tersa (26/01/2021).

Nia dehan, semana kotuk Prezidente simu karta pedidu husi governu atu renova Estadu Emerjensia ba da-10. Husi Prezidensia koordena ho Parlamentu oinsa bele ajenda ba semana oin iha Parlamentu bele aprova ka lae.

“Reuniuan Konsellu Superior Defeza Seguransa no Konsellu Estadu, deside atu apoiu tomak ba Prezidente Republika atu renova Estadu Emerjensia ba dala 10, ohin duni husi Prezidensial sei haruka pedidu nee ba Parlamentu Nasional no Parlamentu Nasional ohin kedas halo sira nia konferensia de lider, para ajenda ba aban lokraik debate ba Estadu Emerjensia,” hatete Asesor Grigorio.

Nia dehan, se Parlamentu Nasional aprova duni, klaru katak sira sei haruka fali mai iha Prezidente para promulga no Prezidente halo dekretu renovasaun no halo publikasaun ba aban kedas ho efeitu too loron 02 kalan.

Grigorio hatutan, medidas ba implmentasaun Estadu Emerjensia nee governu mak sei deside, depois Parlamentu aprova tiha Estadu Emerjensia, Governu sei halo dekretu implementasaun, halo nafatin hanesan Estadu Emerjensia ida hanesan agora nee ka.

“Sei aumenta tan nia distrisoens kalae nee kompetensia governu nian, maluk sira bele hein tok Kinta no Sesta feira iha ona medidas, tanba situasaun iha NTT situasaun agravu demais ona nee perigu ona,” katak Grigorio.

Nia afirma, iha enkontru Konsellu rua nee Primeiru Ministru, Taur Matan Ruak mos preokupa makaas, tanba iha nasaun vizinu oras nee Covid-19 sae makaas ona, tanba nee Estadu Emerjensia dala 10 presiza nesesariu.

“Hanesan Primeiru Ministru dehan agora nia preokupa los, tanba bele agora sai mos grave entaun sira hotu hotu intende katak, Estadu Emerjensia iha nesesariu ida nee sira analisa iha Konsellu rua nee,” katak nia.

Atu renova Estadu Emerjensia ba dala 10, tuir pedidu husi governu, Prezidente Republika sei konsulta ho Konsellu Estadu no Konsellu Superior Defeza no Seguransa atu rona hanoin ida-idak husi orgaun konsultivu nee kona-ba renovasaun estadu emerjensia, tuir artigu 85, alínea g) Konstituisaun RDTL.

Entretantu iha pedidu estensaun EE ba dala sia nia valida ba loron 30, hahu hus 00:00 oras iha loron 3 Janeiru 2021 no termina iha loron 1 Fevereiru 2021.*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here