KE-KSDS Rekomenda PR Haruka Pedidu Ba PN Estende EE

DILI, STLNEWS.co – Konsellu Estadu no Konsellu Superior Defeza no Seguransa rekomenda ba Prezidente Republika Francisco Guterres Lú Olo, atu haruka pedidu Governu Estende Estadu Emerejnsia da-6 ba Parlamentu Nasional.

Xefe Kasa Sivil, Francisco Maria de Vasconcelos dehan, iha dader Prezidente Republika halao enkontru ho Konsellu Superior Defeza no Seguransa, iha meudia kontinua ho Konsellu Estadu, iha reuniaun nee Konsellu rua rekomenda Xefe Estadu haruka karta ba Parlamentu Nasional atu diskute.

“Konsellu rua nee rekomenda ba Prezidente atu haruka pedidu governu nian ba iha Parlamentu Nasional, atu husu Estadu Emerjensia prolonga ba da-6, medidas hotu hanesan pedidu uluk, soke iha fronteira mak sei iha rigor liu tan atu perevene tama sai ema ilegal sira, nee kuidadu tebes ita nia sidadaun sira, nunee mos moras nee labele hadaet ba komunidade sira,” hatete Francisco ba jornalista sira, bainhira remata reuniaun Konsellu Estadu no Konsellu Superior Defeza no Seguransa, iha Palasiu Prezidente Nicolau Lobato, Bairru Pite, Dili, (Kuarta 30/09/2020).

Nia esplika rekomendasaun husi Konsellu rua nee posivel, ohin ou aban Prezidente Republika Francisco Guterres Lú Olo sei hatoo ba iha Parlamentu Nasional.

“Posivel ohin ou aban husi Prezidensia haruka ba Parlamentu Nasional, medidas Estadu Emerjensia hanesan ida anterior, agora medida ida ba movimentasaun nemak tenke deside liu liu iha fronteira sira para evita ema sira lao tama sai ilegal nee,” dehan nia.

Iha fatin hanesan Diretor FONGTIL, Daniel Santos do Carmo hatete, nia partisipa iha Konsellu Superior Defeza no Seguransa nee, tanba hetan konvite husi Prezidente Republika. Buat neebe mak Prezidente halo nee diak tebes oinsa mak sosiedade bele fo hanoin ba desizaun estrateziku nasaun nia.

“Ami mai kontribui idea, oinsa ajuda ita nia estadu liu liu prevensaun COVID-19,” dehan Daniel.

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Video Vasina https://youtu.be/_p-St6W4XHw Ministério dos Assuntos...

Ema 200 Aprende Materia Kooperativa

DILI, STLNEWS.co - Sidadaun hamutuk 200 tuir formasaun husi Sekretaria Estadu Kooperativa (SEKoop), kona ba materia koperativa nian durante semana ida. Tuir Diretor Jeral Sekretariu...

Hakarak Atividade Lao Normal, Taur Apela Komunidade Simu Vasina

DILI, STLNEWS.co - Primeiru Ministru (PM) Taur Matan Ruak apela ba populasaun atu partisipa iha kampania vasinasaun, nunee wainhira tasa partisipasaun aas governu bele...
%d bloggers like this: