KE KSDS Rekomenda PR Hato’o Pedidu Estende EE

DILI, STLNEWS.co – Konsellu Estadu (KE) No Konsellu Superior Defeza no Seguransa (KSDS) rekomenda ba Prezidente Republika Francisco Guterres Lú Olo, atu hato’o pedidu Estende Estadu Emerjensia (EE) loron 30 tan ba parlamentu atu hetan Autorizasaun.

“Hau hakarak mai informa deit ba ita boot sira katak, ohin depois halo enkontru ho konsellu rua, Konsellu Superior Defeza no Seguransa ho Konsellu de Estadu, depois deskute, sira rekomenda ba prezidente atu hato’o pedidu estensaun Estadu Emerjensia ba iha Parlamentu Nasional hodi hetan autorizasaun,” dehan Xefe Kasa Sivil Francisco Maria de Vasconcelos ba jornalista iha Palasiu Prezidente Bairru Pite, Segunda nee (25/10/2021)

Xefe Kasa Sivil nee hatutan, estende EE nafatin, nia medidas nee depende ba dezenvolvimentu neebe mak iha, tanba agora dadaun iha virus foun neebe mak iha parte balun, maibe Konfinamentu Obrigatoriu agora laiha no Serka Sanitaria laiha, maibe Estadu Emerjensia oinsa mak halo protesaun evita virus neebe iha.

Nia haktuir tan, situasaun bele muda lalais deit, mais governu mak bele halo dekretu para bele rejolve situasaun sira hanesan nee, nee mak ohin konsellu rua diskute ho Prezidente Republika.

Nunee mos, Diretor FONGTIL Daniel Santos Do Carmo hatutan, sira ohin hato’o konaba medida preventiva, tanba Timor seidauk tama iha nova normalidade, entaun iha hanoin ruma mak oinsa medida EE ba dala-19 nee, hanesan inpoin regra ruma para medida preventiva nee uza maskara, fase liman, buat sira nee tenke nafatin uza, tanba pandemia seidauk hotu.*

(Eme)

LEAVE A REPLY

Please enter your comment!
Please enter your name here

NEWS UPDATE

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...

Mota Hafahe Estrada Terminal Tasi Tolu Ho Sidade Dili

DILI, STLNEWS.co - Oras nee dadaun estrada iha terminal Tasi Tolu nakfila ona ba mota, hodi hafahe ona Tasi Tolu ho sidade Dili. Tuir observasaun...