Kevin Blackstone: Hasoru Xanana Hau Sai Terkenal

DILI, STLNEWS.co – Embaixador Estadu Unidos Amerika (EUA) iha Timor Leste, Kevin Blackstone hatete, depois hasoru lider karismatiku Kay Rala Xanana Gusmão Iha Lagoa Tasi Tolu nia sai terkenal liu tan.

“Hasoru tiha ho Xanana, hau sai terkenal mos. Istoria lolos mak nee, dahuluk liu hau matabisu ho Ramos Horta, ami koalia hodi hatene malu liutan. Hau aprende buat barak husi nia, tanba nia figura importante iha TL. Depois ami han tiha, nia husu hau atu lao haleu Dili, liu liu ba fatin tuan tempu Portugues nian iha Dili, hau mos gosta nia Jeep nee, neebe hau husu hau mak lori deit ona. Nee mak nia fo hau lori, nia nain sai fali pasajeiru iha nia moris,” konta Embaixador Estadu Unidos Amerika iha Timor Leste, Kevin Blackstone, bainhira halo vizita ba Midia STL, iha Surikmas, Kinta (27/05/2021).

Embaixador nee dehan, remata hasoru malu ho Premiadu Nobel da Paz Jose Ramos Horta, sira nain rua liu ba Madre sira iha Lahane, no Jose Ramos Horta konvida nia dehan, nusa la ba haree Xanana iha Tasi Tolu, entaun iha momentu nee sira lao vizita lider karismatiku Xanana Gusmão Iha Tasi Tolu.

“Momentu nee hau husu ba Xanana, oinsa bele muda nivel bee nee. Xanana esplika, nivel bee aas nee iha diferente iha fatin nee, nia hatudu iha bee laran. Nee mak Xanana haruka hau hela, nia mak ba bee laran. Hau haree hau ida joven nee hau la ba, nia katuas mak ba,” hatete Embaixador nee.

Depois hasoru Xanana, Embaixador dehan ba lider nasional nee katak, sei liu ba iha Vera Cruz, tanba EUA fo apoiu ba iha Vera Cruz. “Hau kontente tanba iha Vera Cruz laiha violensia, hau husu ba Xanana tanba saida mak ita toba iha rai nee, Xanana dehan hau tinan 25 toba iha ailaran.” nia konta.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: