KFP Entrega Relatoriu Anual 2020 Ba PN

DILI, STLNEWS.co – Komisaun Funsaun Publika (KFP), entrega relatoriu anual tinan 2020 ba iha Parlamentu Nasional (PN), neebe tuir lei hatete, kada tinan KFP tenki entrega relatoriu.

Tuir Prezidente Komisaun Funsaun Publika, Faustino Cardoso hateten, Komisaun Funsaun Publika reprezenta husi komisariu nain haat (4), entrega relatoriu anual Komisaun Funsaun Publika nian tinan 2020 ba Prezidente Parlamentu Nasional, Vise-Prezidente Parlamentu, Sekretaria Meza Parlamentu no Vise-Sekretaria Meza Parlamentu.

“Ami hein husi Parlamentu Nasional bainhira mak Komisaun Funsaun Publika atu halo aprezentasaun relatoriu ba iha plenaria parlamentu no tuir Prezidente Parlamentu Nasional semana oin posivelmente Komisaun Funsaun Publika mai halo aprezentasaun relatoriu iha plenaria,” dehan nia ba jornalista hafoin remata entrega relatoriu iha PN, Kuarta, (07/07/2021).

Prezidente KFP dehan, lakleur Parlamentu Nasional tama ba tempu resesu nian iha loron 14 Jullu, dadaun nee sei fila-fali iha loron 15 Setembru, tanba sesaun lajizlativa sei termina iha 14 Jullu no sesaun lejizlativa foun sei hahu loron 15 setembru.

“Ohin Prezidente Parlamentu katak sira halo esforsu oinsa mak Komisaun Funsaun Publika iha tempu badak posivelmente, Segunda, Tersa no Kuarta mai halo aprezentasaun anual 2020 nian,” tenik nia.

Nia esplika, iha relatoriu 2020 neebe Komisaun Funsaun Publika hatoo ba Parlamentu Nasional konsta hotu kona ba prosesu disiplinar administrativa.

Iha fatin hanesan,Vise prezidente Parlamentu Nasional (V-PPN), Maria Angelina Sarmento haktuir, bazeia ba lei numeru 7/2009 loron 15 fulan Jullu, Komisaun Funsaun Publika sempre hatoo relatoriu anual kada tinan.

“Ohin Komisaun Funsaun Publika mai aprezenta sira nia relatoriu anual ba meza Parlamentu Nasional, tuir lei sira iha obrigatoriu atu aprezenta relatoriu iha fim de Marsu,” dehan Vise Prezidente Parlamentu Nasional nee.

Nia hatete, razaun relatoriu anual neebe maka hatoo mai Parlamentu Nasional tarde tanba ho situasaun pandemia Covid-19 no funsionariu publiku lubuk ida neebe maka halo relatoriu pozitivu hotu, entaun sira tenke kumpre regra Ministeriu Saude atu tama kuarentena.*

Reportajen: Santina Castro
Editora: Dominga Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: