KHUNTO Harahun Deklarasaun Konjuntura Politika Parpol 3, Branco: Laiha Problema

DILI, STLNEWS.co – Relasiona ho konjutura partidu politiku (parpol) 3, KHUNTO, FRETILIN, ho PLP neebe deklara ona katak sei avansa ho kandidatura uniku ba eleisaun prezidensial, maibe ikus mai KHUNTO avansa mesak, ida nee KHUNTO quebra (harahun) deklarasaun konjutura politika partidu 3 nian.

Kestaun nee hatoo husi Inocencio de Jesus Xavier, hanesan Ofisial Ligasaun Institusional AJAR ba STL iha nia knaar fatin Farol, Kuarta (07/07/2021), oras nee tempu ba partidu politiku sira, atu prepara kandidatura ba eleisaun prezidensial. No iha fulan hirak liu partidu 3 husi plataforma ida agora iha governu deklara ona, sei avansa ho kandidatura uniku, maibe ikus mai KHUNTO halai mesak.

“Haree ba konjutura politika partidu 3 agora ukun, iha sira nia deklarasaun fulan hirak liu ba katak, sira sei avansa ho kandidatura uniku ba eleisaun PR. Maibe ita haree saida mak KHUNTO halo, KHUNTO quebra (harahun) kedas deklarasaun plataforma ida neebe mak partidu 3 nee halo,” katak Inocencio de Jesus Xavier.

Nia dehan, tempu agora iha ambitu ba partidu sira atu tama ba kampana, nee partidu sira aprezenta kandidatura nee ba figura ida neebe sira fiar, i partidu ida-idak ho nia estratejia atu hatudu ba públiku, hodi ganha votus husi publiku iha eleisaun mai 2022.

Inocencio hatutan, kona ba kandidatu PR ka Xefe estadu, presiza iha kualidade konesementu politika externa no interna, presiza iha esperensia atu oinsa halo kooperasaun. Espera partidu hotu iha ona figura, depende ba povu mak deside, neebe povu mak tenke matenek, atu fihir no eskolla se mak atu sai xefe estadu.

Hatan ba kestaun nee, Vice Prezidente Partidu FRETILIN, atual Xefe Bankada FRETILIN, Francisco Miranda Branco hatete, haree ba kestaun sosiedade sivil nia deklarasaun nee, ba sira laiha problema, tanba nee nia laiha komentariu.

Entretantu Deputadu Bankada PLP, Francisco Vasconcellos hatete, konaba PLP, FRETILIN, ho KHUNTO atu avansa ho kandidatu uniku, maibe KHUNTO lao mesak, nee demokrasia hanesan nee.

Nia dehan, sira iha ona kandidata, nee direitu demokrasia, ema hotu hakarak no iha direitu atu partisipa iha festa demokrasia. Maibe nee bele dehan, KHUNTO trai ba deklarasaun Sekretariu Jeral FRETILIN nian. Maibe lae, tanba ida nee mak dehan demokrasia, neebe bele liu husi meius koligasaun, bele avansa mesak, neebe FRETILIN ho PLP labandu sw KHUNTO hakarak avansa mesak nee direitu.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: