KHUNTO Kestiona Sistema Swab Ba Inan Isin Rua

DILI, STLNEWS.co – Deputadu Bankada, KHUNTO, Luis Robertu, kestiona sistema swab neebe halo ba inan isin rua sira neebe atu partus ona, sei hein fali too swab hotu, nee hanesan fo risku ba vida inan ho bebe, tanba deit atendimentu tarde.

Nia dehan, hakarak koalia kona ba sistema atendimentu saude nian ba publiku husi HNGV too ba ospital sira hotu.

“Hau atu koalia liu-liu, ba ita nia inan feton sira neebe isin rua todan lori ba iha ospital atu partus, dalabark too iha fatin emerjensia pesoal saude sira sei haruka sira hein tan hodi swab tiha, bainhira iha ona rejultadu maka foin maka halo tratamentu nee signifika katak, oho ema tanba inan feton sira ho gravida todan mai partu maka sei hein tan, bele afeta ba bebe neebe iha inan nia kabun i bele rejulta bebe bele mate ou ba nia inan mos bele mate,” dehan nia liu husi plenaria iha PN, Segunda (31/05/2021).

Nia dehan, haree atendimentu saude agora dadaun iha Timor tauk demais liu ba iha covid-19, hodi oho malu deit ona nee koalia kasar hanesan nee.

Timor moris ho nia natureza ida lulik ida, nusa maka tauk liu tiha covid-19 hodi atu oho malu fila fali nee ladun diak.

“Ita hotu nia hakarak servi ba povu, labele hodi deit povu nia naran hodi buka lukru ba ita nia aan ka hariku ita nia aan nee ladun diak,” tenik nia.

Tanba nee husu ba atendimentu saude publiku ba ita nia ema sira ho diak, lae hanesan ema neebe hetan asidente ba haruka sei halo teste hein tan rejultadu too ema mate, nee mosu bebeik iha Timor so uniku Timor deit maka hatudu ida nee.

Nia hatutan, liu-liu inan feton sira ho gravida toda bebe sira bele mate iha inan kabun laran, tanba deit atendimentu neebe tarde.*

Reportajen: Domingas Soares/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: