KHUNTO: Veteranus Balun Tama Sai Ilegal, PNTL Tenke Servisu Ho Profisionalizmu

DILI, STLNEWS.co – Deputadu Bankada KHUNTO, Luis Roberto, hatete veteranus balun tama sai ilegal iha fronteira terestre, inklui mos familia husi ministru ho membru governu sira.

Nia dehan, hakarak koalia konaba tranzmisaun neebe mosu iha Timor Leste, governu kria mekanismu atu evita ka prevene moras nee, maibe dala barak iha fronteira deskontroladu tiha.

Tanba maske Primeiru Ministru (PM) hasai dekretu lei ka rezolusaun ruma iha governu, maibe dala ruma iha ninia implementasaun rasik la hanesan ho saida mak governu fo sai, entaun nia sala nee iha neebe.

“Atu ultrapasa tama sai iha fronteira terestre nian ita laos haree katak, ema bain – bain deit mak atu ultrapasa iha neeba, maibe inklui mos veteranus balun tama sai ilegal,” dehan nia liu husi plenaria iha PN, Tersa (31/08/2021).

Nia dehan, familia husi funsionariu, ministru ho membru governu sira neebe kaoalia ibun boot nee, sira nia familia mos tama sai ilegal iha fronteira neeba, nee mak dehan atu prevene moras. Instituisaun ida neebe harii iha TL hanesan KRAM,  lakohi kontrola sira nia funsaun ho diak, tanba ita haree ultrapasa iha fronteira terestre neeba mos liu – liu arte marsiais neebe atu ba hasae sintu iha Indonezia nee mak agora dadaun viral iha TL.

Nia tenik, maibe fila ba KRAM atu kriminaliza ba arte marsias sira neebe ba nee ho lei 5/2017 neebe hakerek momos iha neeba. Ba seguransa sira iha fronteira mos dala ruma haluhan tiha ema sira neebe mak ultrapasa ilegal ba sae sintu iha neeba, lori mai tiha mos prosesu ida laiha, lori ba tama tiha fatin kuarentena fo han hemu depois livre fila fali ba uma, no balu la tama kuarentena depois lao ilegal ba nafatin.

“Haree ba situasaun ida hanesan nee saida mak governu atu halo tan, ita bele monta tiha forsa rua iha neeba mos kuandu servisu la tuir ona regras no lei sira neebe vigor mak,  ema mos halimar ho ita. Hau hanesan reprezentante povu husu ba Polisia Nasional Timor Leste (PNTL) atu halao servisu ho profisionalizmu, lae ita bele dehan EE, SS, KO aumenta bebeik nafatin,” hakotu nia.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Ba Rai Liur, Joven Hili Dalan Moris Justu & Dignu

DILI, STLNEWS.co - Joven Timor oan barak neebe mak ohin loron sai ba liur, tanba hakarak hili dalan atu moris dignu no justu. Kestaun nee...

Ativista Ezije TDD Aplika Prizaun Preventiva Ba Arguidu Nain 9

DILI, STLNEWS.co - Estudante ativista Asia Justice and Rights (AJAR) ezije Ministeriu Publiku liu husi prokurador titular ba kazu refere, atu halo rekursu ba...

Sofre Kurasaun, Arao Noe Baixa Iha VIP HNGV

DILI, STLNEWS.co - Tuir Diretor Klinika Hospital Nasional Guido Valadares (HNGV), Marcelino Correia informa, Deputadu Arao Noe baixa iha Very Important Person (VIP) HNGV,...