KI-CNC Lansa Plaka Rua Liberdade Imprensa

DILI, STLNEWS.co – Konsellu Imprensa (KI) hamutuk ho Centru Nasional Chega (CNC), realiza serimonia lansamentu plaka rua liberdade imprensa, no hetan apoiu husi United Nations Educational, Scientific and Cultural Organization (UNESCO).

Tuir Prezidente KI Virgilio da Silva Guteres, ohin Konsellu Imprensa halo atividade iha parte rua, hanesan kontinua halo sensibilizasaun ba publiku konaba liberdade imprensa, no liberdade espresaun maneira ida mak atu fo hanoin ba publiku katak, Timor nia ukun rasik an tanba liberdade imprensa, ka jornalista sira halo servisu jornalista nian nee mate iha nee.

Nunee aproveita mos halo lansamentu sinalizasaun ba publiku, sinal nee  tau ona iha tinan 2000 ka 2002, agora halo kontinua sinalizasaun ba abilidade liberdade imprensa avenida, ne’ebe mak uluk halo husi Asosiasaun Jornalista Timor Leste (AJTL), no halo marsa husi Rotunda Frasisco Xavier nian too Becora.

Nia dehan, maibe tanba tuir governu liu husi jestaun ekonomia nian, kria avenida ne’e barak, entaun ohin KI ho AJTL no komunidade sira ne’ebe mak preokupa hakarak atu halo Kãmapana, atu re-estende fali ba avenida nee, nomos tau plaka ba AJTL ne’ebe seidauk tau, no harii fila fali iha ne’e ho naran jornalista sira nian tau iha Rotunda Xavier, no ida sei tau iha Becora.

Iha fatin hanesan, Diretor Ezekutivu CNC Hugo Maria Fernandes iha nia parte agrdese ba KI ba parseria neebe mak diak, no fulan oin fila fali ba Balibo hodi halo komemorasaun iha Balibo Lima.

“Ohin ita mai iha nee selebra asaun ida konaba memorializasaun nian, atu dignigika, Valoriza no fo rekoñesimentu ba sira nia Kontribuisaun, hodi hato’o ita nia solidarizasaun ba ema barak mak mate,” dehan nia.

Nunee mos Laureadu Nobel Da Paz Jose Ramos Horta informa, Serimonia ohin inisiativa mai husi KI apoiu husi UNESCO, eventu nee bele simples maibe importante tebes no nia signifikakadu mais klean.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here