KI Hamriik Atu Promove Liberdade Imprensa No Espresaun, Laos Defende Partidu Politku

Foto: Conselho de Imprensa

DILI, STLNEWS.co – Prezidente Konsellu Imprensa/KI (Conselho de Imprensa-sigla Portugues)Virgilio Guterres, hateten, maske konseleiru balun nomeia husi Parlamentu Nasional, maibe wainhira halao knaar defende interese publiku, liu-liu iha liberdade imprensa no liberdade espresaun.

Nia dehan, buat neebe halo Konsellu Imprensa (KI) sai previleizu nee, tanba konsileiru nain rua (2) hetan nomeiasaun mai husi Parlamentu Nasional, maibe wainhira halao knar laos defende partidu neebe nomeia sira, maibe defende prinsipiu neebe tuir lei hatuur iha KI, liu-liu iha defende liberdade imprensa no liberdade espresaun.

“Konsileiru sira neebe nomeia mai husi PN laos atu defende sira, maibe atu defende publiku neebe sira reprezenta, hanesan dala ruma iha intervensaun hau dehan ba maluk sira husi partidu politiku balun katak, hau nia proposta uluk mai husi CNRT neebe kee loron loron kritika sira maske sira mak nomeia hau,” informa Prezidenti KI Virgilio Guterres wainhira iha seremonia transferensia poder membru KI husi periodu dauluk ba daruak iha edifisiu Konsellu Imprensa, Sesta (12/02/2021).

Nia akresenta katak, maske partidu mak nomeia membru konsileiru sira ba halao knaar iha KI, maibe laos defende sira maibe defende prinsipiu tuir lei sira neebe hatuur ona iha KI, liu-liu iha area komunikasaun sosial hanesan promove liberdade imprensa no liberdade espresaun.

Enkuantu antes nee iha kuarta (10/02/2021), Prezidente Parlamentu Nasional (PPN) Aniceto Guterres fo pose ba membru Konsellu Imprensa (CI) nain 5, hanesan Virgilio Guterres nuudar Prezidente, Expeditu Dias Ximens (membru), Francisco B. S. da Costa (membru), Benevides Correia Barros (membru), no Otelio Ote (membru) ba periudu 2021- 2025.

Reportajen: Ekipa STL

LEAVE A REPLY

Please enter your comment!
Please enter your name here