KI Ho UNDP Asina Kooperasaun Produz Manual

DILI, STLNEWS.co – Konsellu Imprensa (KI) ho United Nations Development Program (UNDP) asina kooperasaun produz manual hodi fo formasaun ba jornalista sira, oinsa halo kobertura kona ba asuntu sosial nian liga ba violensia hasoru feto no labarik.

Tuir Prezidente Konsellu Imprensa, Virgilho Guteres katak, kooperasaun ho UNDP laos foin maibe dezde inisiu kedas Konsellu Imprensa moris mai kooperasaun lao tiha ona, iha aspetu balu liu liu iha formasaun nian nomos produsaun iha politika balu.

“Hanesan tinan kotuk ami hamutuk ho UNDP ami prodouz manual ba jornalista sira oinsa atu halo kobertura iha pandemia nia laran, agora dadauk kooperasaun ida nee importante ebes, foka ba asuntu sosial neebe mak violensia kontra feto,” tenik nia ba jornalista sira iha Kintal Boot, Dili, Segunda (21/06/2021).

Nia dehan, bainhira feto sai hanesan objetu de violensia no violensia ba labarik, tanba hotu hotu hatene katak iha sosiedade kobertura media feto sira nia representasaun iha media nee, barak liu mak relasiona ho asuntu neebe mak negativu.

“Formasaun ita sei haree Konsellu Imprensa ho UNDP mos koalia hela, tanba ita hotu hatene katak situasaun pandemia nee atividade outdoor sira labele halo maibe deskute hela, tanba ita mos tinan oin tama ona ba eleisaun entaun dalaruma formasaun nee relasiona mos ho eleisaun,” katak nia.

Iha fatin hanesan reprezentante United Nations Development Program (UNDP), Lazima Onta-Bhatta informa, ohin UNDP ho Konsellu Imprensa (KI) Timor-Leste reafirma sira nia responsabilidade atu prevene, responde no elimina violensia kontra feto no labarik iha Timor Leste.

Tanba liu husi kooperasaun neebe hamutuk ho KI atu atinji no hadiak intermos de relatoriu neebe halo no oinsa mak bele fo treinamentu ba jornalista sira, atu nunee bele habelar no atinji metas neebe iha.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: