KI Nota Midia Barak Seidauk Halo Kobertura Balansu

DILI, STLNEWS.co – Bazeia ba monitorizasaun Konsellu Imprensa (KI), durante fulan Maiu nia laran KI indentifika notisia balun nafatin la balansu, wainhira ema halo akuzasaun ba malu.

Tuir Prezidente Konsellu Imprensa, Virgilio da Silva Guterres katak iha kontextu publikasaun notisia no programa, tuir rezultadu monitorizasaun no analiza KI iha inisiu Maiu too Maiu 2021, notisia husi meius komunikasaun balu nafatin la tuir kriteriu no padraun jornalistika nian.

“Rekomenda ba meiu komunikasaun hotu-hotu atu justu no balansu iha publikasaun notisia no programa sira, liuliu bainhira publika asuntu kontroversu sira hanesan ema halo akuzasaun ba malu, iha aspetu nee, redasaun mídia nian iha obrigasaun etika atu kobre parte sira neebe envolve iha konflitu,” dehan Prezidente KI, Virgilio ba jornalista liu husi konferensia imprensa neebe halao iha edifisiu KI, Kintal boot, Dili, Sesta (28/05/2021).

Nia dehan, komunikasaun sosial hotu hotu atu distinji entre faktu no opiniaun, hodi labele hatama opinaun iha notisia laran.

“Jornalista no editor ninia opiniaun, so bele hatama iha pajina ka espasu editorial no pajina opiniaun nian.” dehan Prezidente KI nee.

Nia informa, meius komunikasaun sosial hotu-hotu atu promove pluralizmu liuhusi fo biban no espasu ba relijiaun hotu-hotu iha país nee atu tranzmite no publika sira nia programa ka mensajen, liu-liu RTTL, E.P. neebe nuudar midia públiku.

Prezidente KI nee mos rekomenda ba governu, liu-liu ministeriu neebe RTTL,E.P. no Ajensia Notisioza Tatoli tutela ba, atu para ona halo politizasaun ba estrutura ba mídia públika rua nee hodi hahu haree formatu rekrutamente, neebe bele garante sira nia independensia, tamba kanal midia publiku rua nee instituisaun sosial, laos instituisaun politika.*

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...
%d bloggers like this: