KI Realiza Enkontru Editorial Ho Media Nain Sira

DILI, STLNEWS.co – Konsellu Imprensa (KI), realiza enkontru editorial ho responsavel orgaun no meius komunikasaun sosial ka media nain sira hodi loke diskusaun kona-ba asuntus prinsipal hirak neebe liga ba KI ho orgaun meius komunikasaun sosial.

Tuir Diretor Ezekutivu KI, Rigoberto Monteiro katak, asuntu iha enkontru nee, KI fahe nia servisu durante KI halo ba media nain sira atu update prosesu rejistu kazu ruma iha rezultadu monitorizasaun ba media nain sira atu akompania servisu tomak neebe KI halo durante tinan ida nia laran.

“Babain ami halo kada fulan 3 dala ida, maibe tanba pandemia Covid-19 no serka sanitaria ita la bele halo maibe situasaun nakloke ituan ita realiza serimonia pas iha nia numeru partisipante, uluk ami halo dala ida deit maibe ita haree ba situasaun ita enkontru uluk ho media nain sira depois mak editor ho jornalista sira” dehan Diretor Ezekutivu KI, Rigoberto ba jornalista hafoin remata enkontru iha Salaun KI, Kintal Boot, Kuarta (23/06/2021).

Nia hatutan, objetivu prinsipal nee mak fahe iha mudansa politika ruma iha KI, programa importante ruma ba media nain sira.

Iha fatin hanesan Diretora Timor Post, Suzana Cardoso hatutan, hanoin enkontru ida ohin nian nee diak no importante tebes ba media nain sira atu nunee sira bele halo tuir ba servisu misaun no vizaun ba membru Konsellu Imprensa nian.

“Membru sira neebe foun ita hatene sira nia servisu ba oin nee saida, oinsa sira nia protesaun ba servisu profesionalismu jornalista nian, no mos ba sustentabilidade ba media sira nian, no garansia ba media nian nee oinsa, hodi nunee bele sai hanesan albu ida neebe hodi proteje no tulun media sira iha sustentabilidade, iha publika informasaun sira liu husi kareira jornalista sira no jornalistiku ninian knaar. Hau nia prinsipiu rasik hanesan nain ba media Timor Post, problema ida nee mak oportunidade negosiu no oportunidade ba negosiu ema ida-idak nian ita haree ba ida nee deit,” tenik nia.

Nia afirma, pandemia sai hanesan obstaklu negosiu nian liu-liu ba merkadoria media sira nian, diak liu haree fo tulun ba governu oinsa hadia ekonomia rai laran, husi ekonomia rai laran, publiku nia moris diak nee fo impaktu diak ba merkadoria media sira.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: