DILI, STLNEWS.co – Relasiona ho komemorasaun loron mundial Liberdade Imprensa iha loron 3 fulan Maiu tinan 2022, Konselhu Imprensa (KI) servisu hamutuk ho Ajensia Nasões Unidas ba Programa Dezenvolmentu (UNDP), realiza workshop konaba dezain grafik ba jornalista sira neebe destakadu iha Parlamentu Nasional (PN).
Tuir Jornalista Orlando Magno katak, senti kontenti no apresia ba programa KI ho UNDP nia kooperasaun, hodi fasilita formasaun ba jornalista sira konaba dezain grafik (manual).
“Ho programa ida nee halao atu selebra loron Liberdade Imprensa iha loron 3 fulan Maiu tinan 2022, hau espera katak, selebrasaun nee sei lao ho diak,” katak Orlando wainhira partisipa iha workshop iha KI, Maskarinhas, Kuarta nee (27/04/2022).
Nia dehan, iha workshop nee jornalista sira halao dezenhu bazeia ba topiku neebe iha konaba problema rai laran.
Neebe iha topiku nee barak iha dezenhu, nia rasik dezenhu foti topiku koalia konaba korupsaun, ho intensaun katak, rai laran korupsaun seidauk lakon.
Entretantu, observasaun STL haree katak, iha workshop durante loron ida nee, KI servisu hamutuk ho UNDP fo formasaun ba jornalista halo dezain grafik ho liman ka manual, tuir topiku neebe sira eskolha.
(gui)
